खोज

बुटवल, १६ आईतबार । रुपन्देही ईभेन्ट्स ब्यवसायी संघले आईतबार आफनो कार्यालय उद्घाटन तथा रक्तदान कार्यक्रम गरेको छ । कार्यालय उद्घाटन गर्दै बुटवल उपमहानगरपालिकाका नगरप्रमुख खेलराज पाण्डेयले संस्थागत रुपमा ब्यवसायीहरु आफनो समस्या समाधानमा लाग्नु सकारात्मक भएको बताए । ईभेन्ट ब्यवसाय प्रतिस्रर्धा र चुनौतीपूर्ण रहेको भन्दै स्थानिय सरकार सहयोग गर्न सधै तयार रहेको उनले बताए । सहजता र सुविधा खोज्ने सेवाग्राहीलाई लक्षित गरि त्यसै प्रकारको सेवामा जोड दिन उनले सुझाव दिए ।

कार्यक्रममा संघका अध्यक्ष किरण कुमार श्रेष्ठले ब्यवसायीहरुको हकहितका लागि संगठनको आवश्यकता महसुस गरि संगठित भएको बताए । संघमार्फत रचनात्मक कार्यका साथै सामाजिक उत्तरदायित्व अन्तरगत वृहत रक्तदान कार्यक्रमलाई समेटेको उनले बताए ।

कार्यक्रममा वडा नं ८ का वडाअध्यक्ष यज्ञ प्रसाद पंगेनी, वडा नं ९ का वडा सदस्य भरत पुरि, रुपन्देही मिष्ठान्न, क्याटरिङ तथा पार्टी प्यालेस संघका अध्यक्ष कमल पोखरेल, नेपाल निर्माण ब्यवसायी संघ रुपन्देही बुटवल शाखाका अध्यक्ष बुद्घि थापा, संघका उपाध्यक्ष मोहम्मद इसरार, सचिव दुर्गेश गुप्ताले सबै वर्ग, समुदायको सहकार्य गरि काम गर्नुपर्ने बताए । नेपाल रेडक्रस सोसाईटी रक्तसंचार केन्द्रको प्राविधिक सहयोगमा भएको नेपाल रेडक्रस सोसाईटी रक्तसंचार केन्द्रको प्राविधिक सहयोगमा भएको कार्यक्रममा ५० युनिट रगत संकलन भएको रक्तदान कार्यक्रमका संयोजक ओसिम अहमदले बताए ।