खोज

बुटवल, १४ भदौ ।

संचारिका समूह लुम्बिनीको अधिवेशनले अमृता अनमोलको अध्यक्षतामा नयाँ कार्यसमिति निर्वाचित गरेको छ ।

बुटवलमा भदौ १३ गते भएको अधिवेशनले उपाध्यक्षमा रुपा गहतराज बांके, महासचिवमा माया केसी रुपन्देही, सचिवमा रीया बस्नेत गुल्मी, कोषाध्यक्षमा सरिता थारु कपिलवस्तु निर्वाचित भएका छन् । १३ सदस्यीय कार्यसमितिको सदस्यमा उषाकिरण पन्थ रुपन्देही, उर्मिला यादव नवलपरासी पश्चिम, लक्ष्मी पोखरेल दाड., गीता ज्ञवाली पाल्पा, विन्दु थापा पाल्पा र फुलु सुनार रुपन्देही निर्वाचित भएका छन् ।

अधिवेशनपछि बसेको कार्यसमिति बैठकले उषाकिरण पन्थलाई संस्थाको प्रमुख कार्यकारी अधिकृत नियुक्त गरेको छ । बैठकले पार्वती पाण्डे कपिलवस्तु, नारायणी रजौरे दाङ, लक्ष्मी आचार्य दाङ, अक्षरी पोखरेल बांके, र पुष्पा चौधरी बर्दियालाई सल्लाहकारमा मनोनित गरेको छ । त्यसैगरी लुम्बिनी प्रदेशका जिल्ला अध्यक्षहरुलाई पदेन सदस्य रहने व्यवस्था गरिएको छ । जसमा दाड. अध्यक्ष रन्जीता अधिकारी, नवलपरासी पश्चिम अध्यक्ष विष्णु खनाल, रुपन्देही अध्यक्ष निरु गौतम, बर्दिया अध्यक्ष मेनका चौधरी, बांके अध्यक्ष रुपनी जिएम, कपिलवस्तु अध्यक्ष कोपिला पोखरेल, प्यूठान अध्यक्ष राधिका भुसाल, गुल्मी अध्यक्ष अनिता खत्री र पाल्पा अध्यक्ष सीता डोटेललाई पदेन सदस्य चयन भएका छन् ।