खोज

सुनवल, १३ भदौ। पश्चिम नवलपरासीमा अवैध उत्खनन् गरेको भन्दै डिभिजन वन कार्यालय परासीले सुनवल नगरपालिका विरुद्ध अनुसन्धान सुरु गरेको छ । वन क्षेत्रको खोलामा अवैध उत्खनन् गरेको भन्दै वन कार्यालयले सुनवल नगरपालिको जेसिभी र टिपर नियन्त्रणमा लिएको थियो । सो सन्र्दभमा अदालतबाट म्याद थप गरेर अनुसन्धान सुरु भएको हो ।

तुरिया खोलामा पाचं दिन अगाडी नगरपालिकाको जेसिभी र टिपरले नदीजन्य पदार्थ उत्खनन् गर्दै गर्दा स्थानीयले नियन्त्रणमा लिएर वन कार्यालयको जिम्मा लगाएका थिए । ठेक्का नगागेको र आवश्यक प्रकृया पुरा नगरी उत्खनन् गरीएको भन्दै वन कार्यालययले सवारी चालक र नगरपालिका विरुद्ध जिल्ला अदालत नवलपरासीमा विहिबार म्याद थप गरेर आवश्यक अनुसन्धान अगाडी बढाएको छ ।

तुरिया खोलामा नदिजन्य पदार्थ ठुला उपाकरण जेसिभी प्रयोग गरी उत्खन्न गरेको अरोपमा जेसिभ र टिपर डिभिजन वन कार्यलायको सुरक्षा शाखा क्याम्प बडेराले नियन्त्रणमा लिएको थियो । यसले स्थानीय सरकार र वन कार्यालयको क्षेत्राअधिकार र समन्वयको विषयमा पनि विवाद उत्पन्न भएको छ । जेसिभी र टिपर नियन्त्रणमा लिएर घटनाको विषयमा थप अनुसन्धान गर्न अदालत बाट म्याद थप भएको सुनवल सब डिभिजन कार्यालयका रेन्जर प्रजिम्स श्रेष्ठले बताए ।

सुनवलमा रहेको कृष्ण मन्दिर अगाडी हिलो भएको र त्यसमा गिट्टी हाल्ने प्रयोजनको लागि भन्दै नगरपालिकाको जेसिभी पठाएर नदीजन्य पदार्थ उत्खनन् गरीएको थियो । सुनवल नगरपालिकाले भने सामाजिक काम र तत्कालै समस्या समस्या गर्नुपर्ने प्रयोजनको लागि नदीजन्य पदार्थ झिकीएको र स्थानीय सरकारको अधिकार क्षेत्रमा वनले हस्तक्षेप गरेको आरोप लगाएको छ । सुनवलमा केहि दिन अगाडी मात्रै नगर प्रमुख बिमला अर्यालले नदिजन्य पर्दाथको अवैध उत्खनन् नियन्त्रणमा सक्रियता देखाएकि थिईन् । नगर प्रमुख अर्यालले चोरी नियन्त्रणको प्रयास गर्दा उल्टै नगरपालिका विरुद्ध प्रहार गर्ने प्रयास भएको बताईन् ।