© २०२३
६ मंसिर २०८१, बिहीबार
६ मंसिर २०८१, बिहीबार
बुटवल, १३ भदौ । बुटवल उद्योग वाणिज्य संघ रुपन्देहीका सदस्यलाई यति एयरलाईन्सको आन्तरिक उडानको टिकटमा छुट दिने भएको छ । बुटवल उद्योग बाणिज्य संघ, रुपन्देहीका पदाधिकारी र यति एयरलाइन्स लिमिटेडका कर्मचारीबिच बिहिबार छुट दिने समझदारीपत्रमा हस्ताक्षर गरिएको हो । संघका अध्यक्ष हरिप्रसाद अर्याल र यति एयरलाइन्स लिमिटेडको तर्फबाट भैरहवा स्टेशन मेनेजर अनुप ढकाल बिच हस्ताक्षर गरिएको छ ।
समझदारी पत्र एक बर्षको लागि हुनेछ । मोवाइल एपबाट टिकट काट्दा उडान क्षेत्र अनुसार समझदारीपत्र अनुसार संघमा आवद्ध व्यवसायी सदस्यहरुलाई यति एयरलाईन्सले सञ्चालन गर्ने आन्तरिक तर्फको हवाई भाडामा ३५० देखी ६ सय रुपैयासम्म छुट प्राप्त गर्नेछन् । यसैगरि लगेजमा समेत ५ किलो थप सुबिधा लिन सक्नेछन् ।
संघका अध्यक्ष हरिप्रसाद अर्यालले यस प्रकारको सुबिधाबाट हवाई व्यवसायको प्रवर्द्धन हुनुको साथै व्यवसायी सदस्यहरुलाई उक्त एयरलाइन्स प्रयोगको लागि प्रोत्साहन हुने बताए । यति एयरलाईन्सका भैरहवा स्टेशन मेनेजर अनुप ढकालले यात्रुलाई सुबिधा थप गर्नुको साथै बिशिष्ट सेवा प्रदान गर्ने लक्ष्य रहेको बताए ।
© २०२३
सर्वाधिकार सुरक्षित
Design & Developed By:
