खोज

लमही,०५ भदौ ।
दाङको एक विद्यालयमा प्रधानाध्यापकको नियुक्तिलाई लिएर राजनीतिक विवाद उत्कर्षमा पुगेको छ । राजपुर ÷७ सिक्टा माध्यमिक बिधालयमा प्रधानध्याप बिष्नु खत्रीलाई हटाएर अर्का शिक्षक भरत बस्नेतलाई पालिकाले गत साउन ३१ गते प्र अ को नियुक्ति ठमाए लगतै विवाद सुरु भएको हो । राजपुर–सिक्टाको विद्यालयमा अखिल क्रान्तिकारी शिक्षक संघ र गाउपालिकाका अध्यक्षको विवादले विद्यालयको गेटमा तालाबन्दी भएको छ । अखिल नेपाल शिक्षक संघ क्रान्तिकारी राजपुरले विद्यालयको मुल गेटमा तालाबन्दी गरेपछि ३ सय२१जनक विद्यार्थीको पठनपाठन प्रभावित भएको छ ।

शुक्रबार पढाइको समय सकिएपछि पदभार ग्रहण गर्ने क्रममा केही विवाद भएको थियो । स्थानीय विदाबाट कट्टी हुने गरी आइतबार विद्यालय खोल्ने प्रयास गरिएको थियो, तर मंगलबार विद्यार्थी झोला बोकेर विद्यालय पुगे पनि तालाबन्दीका कारण फर्कन बाध्य भए ।

राजपुर गाउँपालिकाका अध्यक्ष शरदकुमार बुढाथोकीले पालिकाले नियुक्त गरेको निमित्त प्रधानाध्यापकको पत्र फिर्ता नहुने स्पष्ट पारेका छन् । उनका अनुसार, सिनियर शिक्षक भरत बस्नेतलाई नियमअनुसार निमित्त प्रधानाध्यापकको जिम्मेवारी तोकिएको हो । विद्यालय सुधारको साटो पालिकाको विरोधमा सामाजिक सञ्जालमा लेख्ने शिक्षकलाई जिम्मेवारीबाट हटाइएको बुढाथोकीले बताए । विद्यालय व्यवस्थापन समितिको गठन नगरेको आरोप र नियुक्तिको विषयलाई लिएर विवाद चर्किएको छ। राहत शिक्षकमा नियुक्त खत्रीलाई यसअघि विद्यालय व्यवस्थापन समितिले निमित्त प्रधानाध्यापकको जिम्मेवारी तोकेको थियो ।

तर, गाउँपालिकाले सोही विद्यालयमा कार्यरत भरतबहादुर बस्नेतलाई निमित्त प्रधानाध्यापकमा नियुक्त गरेपछि विवाद सुरु भएको हो । खत्रीले पालिकाले दिएको नियुक्ति पत्र खारेज नभएसम्म छलफलमा बस्न अस्वीकार गरेका छन् र थप संघर्षका कार्यक्रम सार्वजनिक गर्ने चेतावनी दिएका छन् । यसअघि खत्रीलाई २४ घण्टे स्पष्टिकरण सोधिएको थियो, जसमा शिक्षा शाखा प्रमुख लगायतका कर्मचारीलाई गालीगलौज गर्ने, निमित्त प्रधानाध्यापकलाई कुर्सीबाट लतार्ने जस्ता घटनामा उनको संलग्नता देखिएको बताइएको छ। खत्री क्रान्तिकारी र बस्नेत नेपाल शिक्षक सघ समर्थक हुन ।