खोज

पर्रोहा, २९ साउन ।

विश्व हिन्दु महासंघ नेपाल अन्तर्गत कला तथा संस्कृति संरक्षण जिल्ला समिति रुपन्देही गठन भएको छ । कार्यक्रम रुपन्देहीको सैनामैना बोलबम धाममा सम्पन्न भएको हो ।

कार्यक्रमको उदघाटन लुम्बिनी विश्व हिन्दु महासंघ कला तथा साँस्कृती संरक्षण प्रतिष्ठान लुम्बिनी प्रदेशका सचिव कमल कान्त पौडेल र राष्ट्रिय लोक भजन चुट्का संरक्षण प्रतिष्ठान लुम्बिनी प्रदेश अध्यक्ष काशिराम पोख्रेलले संयुक्तरुपमा गरेका थिए ।

त्यस अवसरमा उनीहरुले नेपालको भूगोल, जाति, परम्परा, धर्मदेखि लिएर अरू सबै भागमा विविधता पाइने यसले नेपालको संस्कृतिलाई विविधतायुक्त पनि बनाएको बताए ।

देशका विभिन्न भागहरूमा फरक–फरक सांस्कृतिक आस्थाहरू पाउन सकिने भन्दै उनीहरुले नेपालको संस्कृति र परम्परा यसको जातीय, धर्म, मूल्य–मान्यता र सामाजिक समूहहरूको पराकाष्ठा भएको बताए ।

विश्व हिन्दु महासंघ लुम्बिनी प्रदेशका कला तथा संस्कृति संरक्षक समितिका अध्यक्ष जय प्रकाश उप्रेतीले नेपालको समृद्ध र विविध संस्कृति यहाँको पहिरन, जात्रा, संगीत, नृत्य, कला, साहित्य, लोकगीत र यसको भाषामा झल्कने र यसले नेपाली जीवनशैलीले के देखाउन र प्रस्ताव गर्न सक्छ भन्ने कुराको प्रदर्शन पनि गर्ने भन्दै नेपालको संस्कृति राष्ट्रको समृद्ध, मेलमिलाप र विविधतायुक्त समाजको प्रतीक भएको उल्लेख गरे ।

रुपन्देहीको सैनामैना वडा नं. १ रानिबगिया रहेको सैनामैनाको पर्राेहा परमेश्वर शिव ज्योतिर्लिङ बोलबम धाममा सोमबार विश्व हिन्दु महासंघ नेपाल कला तथा संस्कृति संरक्षण समिति कार्यसमितिलाई शुभकामना दिएका थिए ।

रुपन्देही जिल्लास्तरीय बृहत भेलाले रामप्रसाद पाण्डेको अध्यक्षतामा १५ सदस्यीय विश्व हिन्दु महासंघ रुपन्देही कला तथा संस्कृति संरक्षण समिति गठन गरेको हो ।

जसको उपाध्यक्षमा गीता अधिकारी, सचिव मञ्जु भट्टराई, कोषाध्यक्ष कबिता पौडेल रहेका छन् ।

यसैगरी सदस्यहरुमा पत्रकार दिनेश घिमिरे, समाजसेवी तथा धर्मप्रेमी चुरा बहादुर खत्री, भगवति निरौला, सिर्जना सोनी, सञ्जु सिन्से, नारायण रेग्मी, मञ्जु वस्याल, कमला रेग्मी, उषा घर्तिमगर, सीता खनाल, यम कुमारी भुसाल, खेम कुमारी देवकोटा रहेका छन् ।