खोज

जितपुर, ८ साउन ।

कपिलवस्तुको बाणगंगा नगरपालिकाका नगर प्रमुख, प्रमुख प्रशासकीय अधिकृत तथा कर्मचारी प्रति नेपाली कांग्रेस बाणगंगा नगर समितिले गरेको अपमानजनक ब्यवहार प्रति नेकपा (एमाले) बाणगंगा नगर कमिटीले गम्भिर ध्यान आकर्षण तथा आपत्ति भएको जनाएको छ । एमाले बाणगंगा नगर कमिटी अध्यक्ष युवराज पोख्रेलको हस्ताक्षरित विज्ञप्ति जारी गरि गम्भिर ध्यानाकर्षण भएको जनाईएको छ ।

विज्ञप्तिमा यही असार २५ गते बाणगंगा नगरपालिका नगरकार्यपालिकाको कार्यालय, नगर प्रमुखको कार्य कक्षमा नेपाली कांग्रेस बाणगंगा नगर समितिको नेतृत्वमा भएको अपमानजनक ब्यवहार प्रति नेकपा (एमाले) नगर कमिटी बाणगंगाको गम्भिर ध्यान आकृष्ट भएको छ ।

जनसेवा आधारभुत विद्यालय, बाणगंगा ८, उदयपुर मोर्मीको विषय लगायतका विषयमा ज्ञापन पत्र बुझाउने सन्दर्भमा नगर प्रमुख, प्रमुख प्रशासकिय अधिकृत, शिक्षा शाखा प्रमुख लगायतका कार्यालयका कर्मचारीहरू माथि गरिएको अपमानपूर्ण, अशिष्ट ब्यवहार प्रति खेद प्रकट गर्दै यस्ता गतिविधिहरू नदोहोराउन आग्रह गरिएको छ । त्यस्तै विज्ञप्तिमा अपमानपूर्ण, अशिष्ट ब्यवहारले नगरपालिकाको गरिमा माथि धावा बोल्ने कुनै पनि कार्य लोकतान्त्रिक पार्टीका निम्ति सहिय नहुने त्यो लोकतन्त्रका निम्ति दूर्भाग्यपूर्ण हुने हाम्रो पार्टीको ठहर रहेको उल्लेख छ ।

एउटा लोकतान्त्रिक पार्टीका नेता, कार्यकर्ताबाट भएको यस खालको असभ्य, अपमानजनक ब्यवहारबाट समृद्ध नगरको यात्रा र सिंगो नगरबासीको जनचाहना पुरा गर्ने कार्यमा कठिनाई हुने हाम्रो पार्टीको निष्कर्ष रहेको भन्दै सबै खाले समस्याको समाधान विधी, पद्धती, शिष्ट, मर्यादित छलफल, संवादबाट हुने हुदा संयम्तापूर्ण, लोकतान्त्रिक विधी, प्रक्रिया, कानूनी, मूल्य, मान्यताबाट साझा ढंगले समस्याको समाधान खोज्न विज्ञप्ती मार्फत आग्रह गरिएको एमाले बाणगंगा नगर कमिटीले जनाएको छ ।