खोज

जीतपुर, ८ साउन ।

४६ औँ पुष्पलाल स्मृती दिवसका अवसरमा नेकपा (एमाले) कपिलवस्तुका जिल्ला अध्यक्ष बाबुराम खनालद्वारा एक प्रेस विज्ञप्ती मार्फत सामाजिक न्याय, शुसासन सहितको समृद्ध नेपाल निर्माणको परिकल्पना पुरा हुदा मात्र पुष्पलाल प्रतिको सच्चा सम्मान हुने विज्ञप्तीमा उल्लेख गरिएको छ ।

पुष्पलालको सादा जीवन उच्च विचार प्रतिको सकारात्मक सोचका कारण समाज रूपान्तरणमा महत्वपूर्ण बल पुगेको उल्लेख खनालद्वारा जारी विज्ञप्तीमा भनिएको छ । जिल्ला अध्यक्ष खनालद्धारा जारी विज्ञप्तीमा जातिय विभेद, समाजका विकृती, विसंगती, कुसस्कारका विरुद्ध निरन्तर आफूलाई अब्बल सावित गर्नुहुने सरल, सादा जीवनका धनी पुष्पलालको जीवन शैलीबाट नेपाली समाजको विकासमा सार्थक भूमिका खेलेको उल्लेख गरिएको छ ।

नेकपाका संस्थापक महासचिव पुष्पलालको जन्म १९८१ साल असार १५ गते रामेछाप जिल्लाको भंगेरीमा भएको थियो । बुवा भक्तलाल र आमा तुल्साकुमारीको कोखबाट माइला छोराको रूपमा पुष्पलालको जन्म भएको हो ।

वि.सं. २०३५ सालमा भारतमै निधन भएका पुष्पलालको तत्कालिन शासकले लास नेपाल ल्याउन नदिँदा भारतको जमुना नदीमै दाहसंस्कार गरिएको थियो । नेपाली जहानीय शासनका विरुद्ध संस्थागत रूपमा संघर्ष गर्ने कार्यमा पुष्पलालको महत्वपूर्ण योगदान रहेको छ । २००६ सालमा स्थापना भएको कम्युनिष्ट पार्टीका महासचिव पुष्पलालको टुक्रा टुक्रामा रहेका कम्युनिष्टहरूलाई एकिकृत गर्ने काममा महत्वपूर्ण योगदान रहेको पुष्पलाल नेपाली समाजको रूपान्तरणमा कम्युनिष्ट र कांग्रेस एकीकृत रूपमा संघर्ष गर्नु पर्नेमा जोड दिन्थे । जिल्ला अध्यक्ष खनालद्वारा जारी विज्ञप्तीमा सामन्ती चिन्तनबाट कम्युनिष्ट कार्यकर्ता मुक्त बन्दै नेपाली समाजको सकारात्मक रूपान्तरणमा पुष्पलालले खेलेको भूमिकाबाट कम्युनिष्ट कार्यकर्तामा सधै शक्ति प्राप्त हुने भनिएको छ ।

पुष्पलालको सादा जीवन उच्च विचार प्रतिको सकारात्मक सोंचका कारण समाज रूपान्तरणमा महत्वपूर्ण बल पुगेको उल्लेख गरिएको छ । जिल्ला अध्यक्ष खनालद्वारा जारी विज्ञप्तीमा जातिय विभेद, समाजका विकृती, विसंगती, कुसस्कारका विरुद्ध निरन्तर आफुलाई अब्बल सावित गर्ने सरल, सादा जीवनका धनी पुष्पलालको जीवन शैलीबाट नेपाली समाजको विकासमा वर्तमान समयममा समेत सार्थक भूमिका रहेको भनिएको एमाले जिल्ला प्रचार तथा प्रकाशन विभाग कपिलवस्तुले जनाएको छ ।