© २०२३
४ आश्विन २०८१, शुक्रबार
४ आश्विन २०८१, शुक्रबार
काठमाडौँ ।
नेपाली कांग्रेससँग सत्ता सहकार्य गर्ने सहमति भएसँगै प्रचण्ड नेतृत्वको सरकारमा रहेका नेकपा एमालेका मन्त्रीहरूले आज (मंगलबार) राजीनामा दिने भएका छन्।
मंगलबार मध्यराति वर्तमान गठबन्धन तोडेर एमालेले नेपाली कांग्रेससँग सत्ता समीकरण बनाउने सहमति गरेको हो। योसँगै नयाँ सरकार गठनको प्रक्रिया सुरु गर्न लागिएको हो।
यसका लागि आजै आफ्ना पार्टीका मन्त्रीहरूले राजीनामा दिने एमालेका प्रमुख सचेतक महेश बर्तौलाले बताएका छन्।
साथै उनले परिवर्तित अवस्था बुझेर प्रधानमन्त्री प्रचण्डले पनि आजै राजीनामा दिने विश्वास गरिएको बताए।
‘आज हाम्रा मन्त्रीहरूले राजीनामा दिनुहुन्छ। लगत्तै नयाँ सरकार गठनको प्रक्रिया आरम्भ हुन्छ’, बर्तौलाले मंगलबार बिहान भने, ‘यो अवस्था सबै बुझेर सायद प्रधानमन्त्रीज्यूले बेलुकीसम्म राजीनामा दिनुहुन्छ भन्ने विश्वास हामीले लिएका छौँ।’
उनले थपे, ‘सम्भवतः आजै बेलुकीसम्म नयाँ सरकार बन्ने सम्भावना छ।’
© २०२३
सर्वाधिकार सुरक्षित
Design & Developed By:
