खोज

आज मिति २०८१ साल आषाढ ०५ गते बुधवार । तदनुसार सन् २०२४ जून १९ तारिख । नेपाल संवत् ११४४ । कालयुक्तनामकः संवत्सर । सुर्य उत्तरायण। ग्रीष्म ऋतु । श्रीशाके १९४६ । ज्येष्ठ शुक्लपक्ष , द्वादशी÷त्रयोदशी तिथि । विशाषा नक्षत्र । धाता योग। कौलब करण। तुला राशीमा चन्द्रमा ।

काठमाडौंमा सूर्योदयः प्रातः ५.१० / सूर्यास्तः १९.०० बजे ।

मेष (चू,चे,चो,ला,लि,लू,ले,लो,अ)
सामाजिक काममा अपजस प्राप्त हुन सक्छ । आमा वा आमा सरहका मानिसको आशिर्वाद प्राप्त गरि कुनै काम शुरु गर्दा कामहरु बन्नेछन् । अध्ययन अध्यापनमा समय दिए अनुसार उपलब्धि नहुने हुनाले मन खिन्न हुनेछ ।

बृष (ई,ऊ,ए,ओ,वा,वी,वू,वे,वो)
छोटो समयमा गरिएको कामको उचित प्रतिफल पाउदा मन प्रसन्न रहनेछ । दाजुभाई तथा छिमेकिबाट तपाईको काममा सहयोग तथा समर्थन प्राप्त हुनेछ । परिणाम मुखि काम गर्न सकिनेछ ।

मिथुन (का,की,कू,घ,ङ,छ,के,को,हा)
व्यावसायबाट भनेजस्तो आम्दानि गर्न सकिनेछ । पारिवारिक सभा समारोहमा सहभागि भई स्वादिष्ट भोजनका साथ रम्न सकिनेछ । प्रणय सम्बन्धमा सुधार आउनेछ । राजनीति तथा समाजसेवामा जस पाउनु हुनेछ ।

कर्कट (ही,हू,हे,हो,डा,डी,डु,डे,डो)
नीति निर्माण तहमा तपाईको उपस्थितिले समाज परिवर्तनमा ठुलो सहयोग पुग्नेछ । प्रतिस्पर्धीहरु तपाईको क्षमता देखेर आफै किनारा लाग्नेछन् । पढाई लेखाईमा प्रगति हुनाले मन प्रफुल्ल रहनेछ ।

सिंह (मा,मी,मू,मे,मो,टा,टी,टू,टे)
जीवन साथि सँग सामान्य कुरामा मनमुटाब सिर्जना हुनेछ । स्वास्थ्य सम्बन्धि समस्या आई खर्च बढ्नेछ । आफन्त तथा अग्रज सँग सामान्य कुरामा राय बाजिनेछ । श्रम गर्ने तथा अध्ययन गर्नेहरुका लागी दिन राम्रो नै रहनेछ ।

कन्या (टो,पा,पी,पू,ष,ण,ठ,पे,पो)
आज धन तथा सम्पत्ति कमाई गर्न सकिनेछ । घर परिवारका आकांक्षाहरु पुरा गर्न सकिने हुदा आफन्तहरु खुसि रहनेछन् । पढाइ लेखाइमा मन जानेछ । प्रेममा आजको दिन सन्तोषजनक नै रहला ।

तुला (रा,री,रु,रे,रो,ता,ती,तू,ते)
व्यापार व्यावसायमा प्रशस्त आम्दानि गर्न सकिनेछ । नोकरि गर्नेहरुको लागि पदोन्नतिको योग देखिन्छ । सामाजिक काममा खट्नु पर्नेछ । माया प्रेमको गाठो गसिलो भएर जानेछ । अध्यन अध्यापनका क्षेत्रमा भने त्यति राम्रो छैन ।

बृश्चिक (तो,ना,नी,नू,ने,नो,या,यी,यू)
पारिवारिक माहोलमा दिन बित्ने छ । आफन्तबाट सहयोग पाईनेछ । धार्मिक तथा सामाजिक कार्यमा दिन बित्नेछ । प्रभावशालि ब्याक्तिहरुसँग भेट हुनेछ । मान सम्मान तथा प्रतिष्ठा प्राप्त हुने योग रहेको छ ।

धनु (ये,यो,भा,भी,भू,ध,फा,ढा,भे)
घर परिवारसग सामान्य मनमुटाव होला । खानपान तथा बाहिरी बाताबरणको ख्याल गर्नुहोला । स्वास्थ्यमा समस्या आई काम गर्न असजिलो महशुस हुनेछ । माया प्रेममा सामान्य मनमुटाब हुने तथा नचाहदा नचाहदै छुट्टिनु पर्ने बाध्यता आउँनेछ ।

मकर (भो,जा,जी,जू,जे,जो,ख,खी,खू,खे,खो,गा,गी)
पढाई लेखाईमा मेहनेत गरे भन्दा राम्रो नतिजा हात लाग्ने हुँदा मन प्रशन्न हुनेछ । समयमा काम बन्ने हुनाले अन्य क्षेत्रमा लगानि गर्ने बाताबरण बन्नेछ । व्यापार व्यावसायबाट मनग्गे आम्दानि हुनेछ भने व्यापारकै शिलशिलामा रमाईलो यात्रा हुनेछ ।

कुम्भ (गू,गे,गो,सा,सी,सू,से,सो,दा)
आट तथा हिम्मतका साथ अगाडि बढ्ने समय रहेकोछ । कुनै पनि प्रतिष्पर्धामा प्रतिष्पर्धिहरुलाई किनारा लगाउदै अग्र स्थानमा तपाईको नाम आउनेछ । व्यापार व्यावसाय फस्टाएर जानेछ भने आम्दानि बढ्ने योग रहेकोछ ।

मीन (दी,दू,थ,झ,ञ,दे,दो,चा,ची)
आफन्तसग भावना तथा मनका कुरा साटासाट गर्ने अवसर प्राप्त हुनेछ । आकस्मिक लाभ हुने तथा बाधा अवरोधहरु स्वत हटेर जानेछन् । बौद्धिक कार्यमा सहभागि भई आफ्नो प्रस्तुति पस्कने अवसर प्राप्त हुनेछ ।

लेखक : नेपाल ज्योतिष परिषद, लुम्बिनी प्रदेशका उप–महासचिव हुन् ।