खोज

नवलपुर,जेठ २९  । महिला, बालबालिका तथा जेष्ठ नागरिक मन्त्री भगवती चौधरीले अझै पनि ८० प्रतिशत महिलाहरु हिंसामा परिरहेको र समान अवसरबाट वञ्चित भइरहेको बताएकी छन् ।
माथिल्लो तहको निर्णायक रुपमा महिलालाइ अवसर दिन हिचकिचाउने परिपाटीको अन्त्य नभएकाले अव महिला आफै जागरुप हुने समय आएको बताइन ।
विविध कारणबाट अझै पनि ८० प्रतिशत महिला हिंसामा पर्ने गरेको तथ्याकं रहेकाले महिलालाइ घरयासी कामकाज भन्दा पनि उद्यमशीलता तर्फ प्रेरित गर्नु पर्ने चौधरीले बताइन।
पुर्वि नवलपुरको कावासोतीमा एक महिने ब्युटिसियन तालिमको समापन समारोहमा आएकी मन्त्री चौधरीले हरेक तह र तप्कामा पुरुषको जति भुमिका रहन्छ ,महिलाको पनि उतिकै रहने भन्दै महिलालाइ कोटा निर्धारण गरेर नभइ खुल्ला रुपमा अगाडि बढाउन आवश्यक रहेकोमा जोड दिएकि छन।
एकाइसौ शताब्दी आइसक्दा पनि महिलालाई हेर्ने दृष्टिकोणमा केहि फरक आएको भएपनि पदिय जिम्मेवारी दिन रोक लगाउने प्रवृति हट्न नसकेको र महिला आफै उद्यमी बन्न सके घरेलु हिंसा कम हुने बताइन ।
वैदेशिक रोजगारमा गएका घरपरिवारका महिला दिदिबहिनीलाई उद्यमशीलता विकासका लागि प्रदान गरिएको एक महिने ब्युटिसियन तालिममा सिकेका सीपलाइ व्यवहारमा उर्तान सके महिला अपहेलित हुन नपर्ने साथै परनिर्भता हट्ने हुदा मन्त्रालयबाट पनि महिलाका लागि सीप युक्त तालिम दिने बताएकि छन ।
जिल्लाको गैडाकोट, देवचुली, कावासोती र मध्यविन्दु नगरपालिकाको सहकार्यमा सञ्चालन गरिएको एक महिने ब्युटिसियन तालिममा सहभागी महिलाहरुले आफुले लिएको सीप व्यवहारमा उर्तान थप प्रेरणा मिलेको बताएका छन् । व्युटिसियन भन्ने वित्तिकै क्षणिक राम्रो बनाउने पेशा हो भनेर समाजमा हेर्ने गरेको भएपनि यसबाट महिला आफै उद्यमी बन्न सक्ने हुनाले यस्ता तालिम अन्य समयमा पनि सञ्चालन गनुपर्ने तालिममा सहभागी खगिसरा लामिछानेले बताइन ।
रिटर्नी माइग्रेट नेपाल प्रवासीबाट आर्जित सीप , ज्ञान र पूजी स्वदेशका लागि भनेर नवलपुरको कावासोतीमा २०७५ सालमा स्थापना भएको थियो । त्यसअवधिबाट महिला तथा पुरुषका लागि विभिन्न सीप सिकाउन लागि परेको रिटर्नी माइग्रेट नेपाल गण्डकी प्रदेश अध्यक्ष नेत्र नारायण थनेतले बताए।