© २०२३
६ मंसिर २०८१, बिहीबार
६ मंसिर २०८१, बिहीबार
बुटवल,२० बैशाख । धादिङमा घरमा आगलागी हुँदा वृद्ध दम्पतीको मृत्यु भएको छ।
आगलागीबाट थाक्रे गाउँपालिका–५ गैरीखर्कस्थित ७४ वर्षका तेजबहादुर लामा र ७४ वर्षकै श्रीमती ठूली लामाको जलेर मृत्यु भएको हो । थाक्रे गाउँपालिका ५ का वडाध्यक्ष सन्तबहादुर तामाङका अनुसार उनीहरु घरमा एक्लै बस्ने गरेको र राति सवा १० बजे घरमा आगलागी भएको हो । घरमा जंगलबाट पत्कर सोहोरेर ल्याएर राखेको र त्यो पत्करमा आगो सल्किएको तामाङको भनाइ छ। लमजुङमा रहेका दुई छोरा र काठमाडौंमा रहेका अर्का छोरा गएराति नै घटनास्थल पुगेका छन्।
उनीहरुको घरमा मकै पिस्ने विद्युतीय घट्ट रहेको र राति विद्युत् सर्ट भई आगलागी भएको अनुमान गरिएको छ। आगलागीबाट घर पूर्ण रूपमा जलेको छ।
© २०२३
सर्वाधिकार सुरक्षित
Design & Developed By:
