© २०२३
७ मंसिर २०८१, शुक्रबार
७ मंसिर २०८१, शुक्रबार
काठमाडौँ ।
काठमाडौँबाट संखुवासभा जाँदै गरेको माइक्रोबस आज बिहान धनकुटामा दुर्घटना हुँदा १९ जना घाइते भएका छन्। धनकुटा नगरपालिका–९ मूलघाट रुद्रबारी सडकखण्डमा गएराति २ बजे माइक्रोबस सडकबाट तल खसेर दुर्घटनामा परेको जिल्ला प्रहरी कार्यालय धनकुटाले जनाएको छ।
एसपी श्यामसिंह चौधरीले दिएको जानकारी अनुसार घाइतेमध्ये ९ जनाको उपचार धरानस्थित बीपी कोइराला स्वास्थ्य विज्ञान प्रतिष्ठानकाउ उपचार भइरहेको छ।
सामान्य घाइतेको स्थानीय अस्पतालमा उपचार भइरहेको एसपी चौधरीले जानकारी दिए।
तीव्र गतिको कारण माइक्रो दुर्घटनामा परेको अनुमान प्रहरीले गरेको छ। तर, चालकले भने साँधुरो सडकमा ट्रकले च्यापेका कारण माइक्रो पल्टिएको बताएका छन्।
दुर्घटनापछि माइक्रोबसका चालक भक्तपुर सूर्यबिनायकका ४६ वर्षीय हरिशरण आलेमगरलाई प्रहरीले नियन्त्रणमा लिएको छ।
घटनास्थलमा जिल्ला प्रहरी कार्यालय धनकुटाका प्रहरी निरीक्षक अनिलकुमार शाहको नेतृत्वमा प्रहरी टोली घाइतेको उद्धारमा खटिएको छ।
© २०२३
सर्वाधिकार सुरक्षित
Design & Developed By:
