खोज

बुटवल, ५ बैशाख ।

बुटवलको कालिकानगरमा बेष्ट ईन्स्टिच्युटले नेपालमै केही गरौ भन्ने युवा युवतीहरुलाई लक्षित गरेर लोकसेवा तयारी कक्षा सञ्चालनमा ल्याएको छ । बिशेष गरेर निजामती, कानुन, सुरक्षा निकायमा जागिर गर्न चाहनेहरुका लागि लोकसेवा तयारी कक्षा सञ्चालन गर्न सुरु गरेको हो ।

नेपालमा सरकारी वा विभिन्न निकायमा जागिर खान चाहने युवा युवतीहरुलाई आधुनिक प्रविधि र विज्ञहरुद्वारा अध्यापन गराउने गरी कक्षा सञ्चालन गरिएको कम्पनीका व्यवस्थापक भिम पौडेलले जानाकारी दिए ।

लगावका साथ काम गरे नेपालमा नै केही गर्न सकिन्छ भन्ने कुरालाई आत्मसाथ गर्दै नेपालमा रोजगारीका धेरै सम्भावना रहेको त्यसैका लागि प्रक्टिकल सहितको अध्यापन अवश्यक रहेको संस्थाका अध्यक्ष सागर केसीले बताए । युवाहरु धेरै बिदेश पलायन हुने पछिल्लो परीपाटीलाई रोक्न लोकसेवा तयारी कक्षा सञ्चालन गरिएको अध्यक्ष केसीको भनाई छ ।

इन्स्टिच्युटमा निजामती तर्फ खरिदार, नायब शुब्बा, शाखाअधिकृत स्तरको पढाई हुने छ भने बैकिङ्ग तर्फ नेपाल राष्ट्र बंैक, राष्ट्रिय बाणिज्य बैक, कृषि विकास बैक, नेपाल बैक लिमिटेड र सुरक्षा निकायतर्फ जवान, असई, प्रहरी निरिक्षक, सेकेण्ड लप्टीनेन्ट, ओभरसियर, अहेब, अनमी, ल्याब टेक्निसियन, शिक्षक आयोगबारे तयारी कक्षा सञ्चालन हुने ब्यवस्थापक पौडेलले बताए । अध्यापनमा सँगै प्रयोगात्मक पक्षलाई समेत जोड दिने सञ्चालक जिवनाथ पाण्डेले बताए । गरीब जहेन्दार, विपन्न विद्यार्थीलाई विशेष छुटको ब्यवस्था गरिएको छ । शुभारम्भ कार्यक्रममा फटिक केसी लगायतले शुभकामना दिएका थिए ।