© २०२३
११ माघ २०८१, शुक्रबार
११ माघ २०८१, शुक्रबार
सुर्खेत, २५ चैत ।
नेकपा एमाले कालिकोटको अध्यक्षमा तुलाराम मल्ल विजयी भएका छन् । नयाँ कार्यसमिति चयनको लागि शनिवार भएको निर्वाचनमा मल्ल अध्यक्षमा निर्वाचित भएका हुन् ।
चैत्र २१ गतेदेखि सुरु भएको जिल्ला अधिवेशनमा सहमति नभएपछि शनिवार चुनाव भएको हो । मल्लले अध्यक्षका प्रत्यासी दयाराम सिम्खडालाई ३२ मतले पराजित गरेका हुन् । मल्लले दुई सय १८ मत ल्याए भने सिम्खडाले एक सय ८६ मत पाए । त्यस्तै उपाध्यक्षमा टेकबहादुर बुढाले दुईसय १०, सचिवमा पुष्पराज आचार्यले दुई सय १२ मत ल्याएर विजयी भएका छन् । उपसचिवमा पुरुषतर्फ पवित्रकुमार शाही र महिलातर्फ ताराकुमारी शाही विजयी भएका छन् ।
कूल चार सय २८ प्रतिनिधि मध्ये अधिवेशनमा चार सय २४ मत खसेको थियो । नवनिर्वाचित अध्यक्ष मल्लले सबैको भावनालाई समेटेर अघि बढ्ने प्रतिक्रिया दिए ।
© २०२३
सर्वाधिकार सुरक्षित
Design & Developed By:
