खोज

बुटवल,२१ चैत । तिलोत्तमाको नवीन ज्योति क्लबले प्रदेशस्तरीय ब्याडमिन्टन प्रतियोगिता गर्ने भएको छ । लुम्बिनी प्रदेशभित्र रहेका खेलाडीहरुमा भएको कला, क्षमता प्रदर्शनको अवसर प्रदान गर्ने र प्रदेशमै खेलाडीहरु उत्पादन गर्ने उद्देश्यले चैत २४ गते शनिबारदेखि दोस्रो नबिन ज्योति कप पुरुष डबल ब्याडमिन्टन प्रतियोगिता गर्न लागेको हो ।

प्रतियोगिता तिलोत्तमा व्याडमिन्टन क्लबको कभर्ड हल तिमोत्तमा वडा नं ६को दश नम्बरस्थित खेल मैदानमा हुने क्लबका सुमन रानाले बताए । प्रतियोगिताको विजेताले ३० हजार, उपविजेताले २० हजार र तेस्रोले १० हजार रुपैया नगद पुरस्कारका साथै ट्रफी,मेडल र प्रमाणपत्र पाउने रानाले बताए । यस्तै उदियमान खेलाडीलाई नगद पुरस्कारले सम्मानित गरिनेछ ।

प्रतियोगितामा भाग लिने टिम र खेलाडीले चैत २२ गतेभित्र क्लबमाा नाम दर्ता गराइसक्नुपर्ने छ । प्रतियोगितामा लुम्बिनी प्रदेशभित्रका मात्र खेलाडीहरु सहभागी हुनुपर्ने, मेभिस ३५० शटल कक प्रयोग गर्नुपर्ने,खेलाडीहरु आफ्‌नो क्लवको जर्सीमा उपस्थित हुनुपर्ने लगायत नियम रहेका छन् ।

चैत्र २२ गते साझ ६ बजेसम्म मात्र नाम दर्ता गर्न सकिने र दर्ता शुल्क २ हजार कायम गरिएको प्रतियोगितामा भाग लिने खेलाडीहरुलाई खाना तथा नास्ताको क्लबले व्यवस्था गर्ने खेल संयोजक बिक्रम गुरुङ्गले बताए ।

Photo : File