खोज

कोटिहवा, १८ चैत ।

मधवलिया ब्याडमिन्टन कल्ब तिलोत्तमा १६ बिहुलीले आयोजना गरेको भेट्रान ब्याडमिन्टन प्रतियोगिता शनिवार सम्पन्न गरेको छ ।

रुपन्देही जिल्लास्तरीय ४५ बर्ष भन्दा माथि र ६० बर्ष भन्दा माथिको उमेर समूहमा भएको युगल पुरुष ब्याडमिन्टन प्रतियोगितामा ३५ टिम सहभागी भएका थिए । ४५ वर्ष भन्दा माथि भएको प्रतियोगितामा बुटवल ब्याडमिन्टन क्लवका विरेन्द्र विष्ट र धर्म थापाको जोडी प्रथम, मधवलिया ब्याडमिन्टन क्लवका होम गुरुङ (लाहुरे) र चेत बलालको जोडी दोस्रो र फिट एण्ड फाइनका सुरज गुरुङ र वसन्त थापा र तामनगर ब्याडमिन्टन क्लवका प्रकाश वन र सुवास कर्माचार्य तेस्रो भएका थिए ।

त्यसैगरी ६० भन्दा माथिको उमेर समूहमा बुटवल ब्याडमिन्टन क्लवका पिताम्बर ज्ञवाली र इन्द्रलालको जोडी प्रथम, बुटवल ब्याडमिन्टन क्लवकै लिला अर्याल र रिसि भन्डारी दोस्रो, मधवलिया ब्याडमिन्टन क्लवका क्या. तुलबहादुर राना र सुबेदार तारा बहादुर पुन र भैरहवा ब्याडमिन्टन क्लवका महेन्द्र कुमार र गणेश छेत्रीको जोडी तेस्रो भएका थिए ।

प्रतियोगितामा साना तथा घरेलु उद्योग महासघंका केन्द्रीय सदस्य वसन्त रोक्काले शुभकामना राख्दै यस्ता खेलकुद कार्यक्रमले वृद्ध र अधबैशे मानिसहरुमा स्वास्थसितै सामाजिक दायित्व निर्वाहमा असल भूमिका खेल्ने बताए । प्रतियोगिता उदघाटनमा क्लवका अध्यक्ष केशव चौधरी, खेल संयोजक क्याप्टेन तुलबहादुर राना र सुन्दर गुरुङले मन्तव्य व्यक्त गरेका थिए ।