Butwal Today

रास्वपाका ४ सांसदलाई निर्वाचन आयोगले तोकेको जरिवाना बदर

न्युज बुटवल टुडे
८ चैत्र २०८०, बिहीबार
अ
अ+
अ-

काठमाडौँ ।

राष्ट्रिय स्वतन्त्र पार्टी (रास्वपा) का ४ सांसदलाई तोकेको जरिवाना निर्वाचन आयोगले लिन नपाउने भएको छ। उच्च अदालत, पाटनले जरिवाना लिने आयोगको निर्णय बदर गरिदिएको छ। न्यायाधीशद्वय मुनेन्द्रप्रसाद अवस्थी र टीकाराम आचार्यको इजलासले बुधबार निर्वाचन आयोगको निर्णयले कानुनी मान्यता नपाउने ठहर गरेको हो।

समयमै निर्वाचन खर्च बुझाउँदा पनि निर्वाचन आयोगले १५ हजार रूपैयाँ जरिवाना तिराउने निर्णय गरेको भन्दै रास्वापाका सांसद्हरू विराजभक्त श्रेष्ठ, शिशिर खनाल, सोविता गौतम र गणेश पराजुलीले साउन १४ गते उच्च अदालतमा रिट दायर गरेका थिए।

साउन ९ गते बसेकाे आयोगकाे बैठकले प्रतिनिधि सभातर्फका १ हजार ३७ र प्रदेश सभा तर्फका १ हजार ३ सय ९८ जना गरी २ हजार ४ सय ३५ जना उम्मेदवारलाई जनही १५ हजार जरिवाना गर्ने निर्णय गरेको थियो । चुनावी खर्च विवरण सार्वजनिक नगरेकाे भन्दै आयाेगले जरिवाना ताेकेकाे थियो।

निर्वाचन आयोगले कारबाही गर्नुपूर्व सफाइको मौका दिनुपर्ने, स्पष्टीकरण चित्तबुझ्दो नभएको अवस्थामा मात्र कारबाही गर्नुपर्ने उनीहरूले रिटमा उल्लेख गरेका थिए।

सम्बन्धित खबर

विकासलाई भावनात्मक नारामा सीमित नगरौंः पौडेल

बालेनसँगै अछाम गएका पत्रकार सिटौलाको निधन

बजार झरेका मतदाता भन्छन्, ‘गाउँमै बस्ने वातावरण बनाइदेउ’

निर्वाचन ३२ दिन बाँकीः पन्ध्र जिल्लाको १८ निर्वाचन क्षेत्रको मतपत्र छपाइ सम्पन्न

नारायणघाट–बुटवल सडकः पूर्वी खण्डका पुल निर्माण सम्पन्न

गुल्मी–१ निर्वाचन: पुरानालाई चुनौती, नयाँको परीक्षा

दुर्योधनको ह्याट्रिक र छविलाल दोहोरिएको रुपन्देही–१ : नयाँ सांसदको खोजी

प्रतिनिधिसभा निर्वाचन: लुम्बिनीका २६ निर्वाचन क्षेत्रमा उम्मेदवारको खर्च सीमा कति ?