खोज

बुटवल, ५ चैत । लुम्बिनी प्रदेशका केही स्थानिय सरकारहरु आफनो बासिन्दाहरुलाई निशुल्क रगत उपलब्ध गराउने अभियानमा लागेका छन । स्वस्थ्य जस्तो संवेदनशिल विषयमा स्थानिय सरकारको यो कार्यले नीजि र सामुदायिक अस्पतालमा उपचार गर्ने विरामीहरुलाई रगत उपलब्धतामा राहत मिलेको छ । नेपाल रेडक्रस सोसाईटी रक्त सेवा संचार केन्द्र बुटवलमा रुपन्देहीको सैनामैना बाहेक सबै पालिका, कपिलवस्तुको ६ पालिकाले निशुल्क रगत उपलब्ध गराउने गरि सम्झौता गरेको छ । अर्घाखाँचीमा सन्धिखर्च नगरपालिका, गुल्मी छत्रकोट गाउपालिका ४ महिनाअघि सम्झौता भएको केन्द्रका सदस्य सचिव राधा ज्ञवालीले बताईन । केन्द्रबाट ७ जिल्लाबाट सेवा लिन आउने बताईन । ब्लड बैकबाट मासिक २४ सय युनिट रगत खपत हुँदै आएको छ । यसैगरि २१ सय संकलन हुदै आएको उनले बताईन ।

यसैबिच रुरु गाउपालिकाका बासिन्दालाई निशुल्क रगत उपलब्ध हुने भएको छ । नेपाल रेडक्रस सोसाइटी, रक्तसंचार सेवा केन्द्र र रुरु क्षेत्र गाउपालिका बिच निशुल्क रगत उपलब्ध गर्ने गरि सोमबार बुटवलमा सम्झौता भएको हो । बुटवलमा रुरु क्षेत्र गाउपालिका अध्यक्ष यदु ज्ञवाली र स्वास्थ्य शाखा अधिकृत छत्र बहादुर अधिकारी र सोसाइटी रुपन्देही शाखाका सभापति दिपक क्षेत्री न्यौपाने, सदस्य सचिव राधा ज्ञवालीका बिचमा सम्झौतापत्रमा हस्तान्तरण भएको हो । गुल्मीको दोस्रो पालिकाका रुपमा रुरु क्षेत्र गाउपालिकाले सम्झौता गरेको हो ।

कार्यक्रममा रुरु क्षेत्र गाउपालिका अध्यक्ष यदु ज्ञवालीले रुरुका बासिन्दालाई पायक पर्ने क्षेत्रका रुपमा रुपन्देही भएको भन्दै यहाँ आउने सेवाग्राहीलाई लक्षित गरि सेवाको भावनाका साथ काम अघि बढाएको बताए । विपन्न नागरिकहरु जो सेवा लिन आउदा सहज रुपमा रगत उपलब्ध गराउने गरि समन्वयकारी भुमिका खेल्न सुझाव दिए । पालिकाबाट निरन्तर स्थानिय बासिन्दाहरुको स्वस्थ्यको क्षेत्रमा विविध काम गर्दै आएको उनले बताए । स्थानिय सरकार जनताको ससाना आवश्यकता पूरा गर्ने गरि अभियानमा आफू लागेको उनले बताए । मासिक रुपमा रगत उपलब्ध गराएको रिपोर्ट पठाउने र त्यसवापत भुक्तानी हुँदै आएको उनले बताए ।

रुपन्देही शाखाका सभापति दिपक क्षेत्री न्यौपानेले निरन्तर रगतको अभाव आउने गरेको बताए । ३५ हजार युनिट वितरण गरेको भन्दै उनले यो प्रत्येक वर्ष रगतको माग बढ्दो रहेको बताए । पालिकाको परिचयपत्रको आधारमा निशुल्क रगत उपलब्ध गराउदै आएको उनले बताए । रगत ब्यवस्थापन चुनौतीको विषय भएको उनले बताए । यता लुम्बिनी प्रदेश सरकारले प्रदेशबासीलाई निशुल्क रगत घोषणा गरेको छ जसले गर्दा सरकारी अस्पतालमा सेवा लिने विरामीहरुलाई सहज भएको छ ।