खोज

बुटवल,४ चैत । प्रधानमन्त्री पुष्पकमल दाहाल प्रचण्डले पोखराबाट छिट्टै अन्तर्राष्ट्रिय उडान सुरु हुने बताएका छन्। उनले पोखराबाट अन्तर्राष्ट्रिय उडान सुचारु गर्न छिमेकी राष्ट्रसँग पहल गरेको दाबी गरे।
आइतबार पोखरामा भएको कार्यक्रममा बोल्दै प्रधानमन्त्री दाहालले चीन सरकारसँग विशेष पहल गरेको दावी गरे ।

अन्तर्राष्ट्रिय उडान नियमित हुने वातावरण बनाउन छिमेकी राष्ट्रहरूको भ्रमणको सन्दर्भमा मुख्यत चिन भ्रमणको सन्दर्भमा एउटा समझदारी बनेको उनले बताए । छिट्टै नियमित उडानको व्यवस्था हुने विश्वास रहेको प्रधानमन्त्री दाहालले बताए । विमानस्थल निर्माणमा लिएको ऋणलाई अनुदानमा बदल्ने प्रयासमा रहेको पनि उनको दावी छ ।

पोखरा विमानस्थल ऋणमा डुबाएको रूपमा व्याख्या नगरी ऐतिहासिक कामको रूपमा लिन उनको आग्रह छ।

पोखरालाई पर्यटकीय राजधानी घोषणा गरेपछि स्थापित गर्न अन्तर्राष्ट्रिय विमानस्थलको भूमिका रहने बताए। उनले पोखरा अन्तर्राष्ट्रिय विमानस्थलको सम्भावनाबारेसमेत चर्चा गरे।

गत वर्ष पुस १७ गते प्रधानमन्त्री दाहालले तामझामकाबीच उद्घाटन गरेको पोखरा अन्तर्राष्ट्रिय विमानस्थलमा हिमालयन एयरलायन्सको जहाज परिक्षण उडान भरेको थियो। यसैलाई पहिलो अन्तर्राष्ट्रिय उडानको रूपमा लिने गरिन्छ।