खोज

बुटवल, १० फागुन । छैटौ संस्करणको राष्ट्रिय खुला लन टेनिस प्रतियोगिता रुपन्देहीमा फागुनको दोस्रो हप्तादेखी हुने भएको छ । बुटवल उपमहानगरपालिकाको आर्थिक सहयोग तथा रुपन्देही लन टेनिस संघको आयोजनामा फागुन १५ देखि १९ गतेसम्म देविनगर लन टेनिस कम्प्लेक्समा हुने दोस्रो मेयर कप तथा छैटौ राष्ट्रिय खुला लन टेनिस प्रतियोगिता २०८० को सम्पूर्ण तयारी पुरा भएको हो । यसपटक प्रतियोगिता एक कोर्ट थप गरि ४ वटा कोर्टमा खेलहरु खेलाईने संघका अध्यक्ष गोपाल ज्ञवालीले बताए । खेलाडीको संख्या बढ्ने हुदा एउटा कोर्ट थप गरिएको उनले बताए । देविनगरमा कोर्ट मर्मत, मंच ब्यवस्थापन मात्र नभई रातीको समयमा अभ्यास गर्ने गरि मैदानको स्तरोन्नती गरिएको उनले बताए । ‘लाईट जडान गरेका छौ ।’–उनले भने । विभिन्न उपसमिति गठन गरि जिम्मेबारी बाडफाडसहित काम तिब्र रुपमा भईरहेको उनले बताए । ‘देशभरका रेकिङ खेलाडीहरु बुटवल भित्रिसकेको छन ।’–उनले भने । बिसं २०६८ सालदेखि रुपन्देहीमा खेलाडीहरुलाई संगठित गर्दै उमेर समुहका खेलाडी उत्पादन, खेलकुद गतिविधि, पुर्वाधार विकास र विभिन्न तालिमहरुमा जोड दिदै आएको उनले बताए । खेल प्रतियोगितामा देशभरका सयौ खेलाडीहरु भित्रने हुदा पर्यटन प्रवद्र्धनमा समेत टेवा पुग्ने उनले दाबी गरे ।

पाच दिनसम्म संचालन हुने प्रतियोगितामा देशभरका १ सय बढि टिमहरु विभिन्न उमेर समुहमा भाग लिने खेल संयोजक सागर थापाले बताए । पुरुष एकल खुला, ३५ वर्ष माथि, ४५ वर्ष माथि र ५५ वर्ष माथि, ६५ माथि, महिला एकल खुला, पुरुष युगल खुल्ला, महिला युगल खुला, पुरुष भेटान्स ३५ माथि युगल, पुरुष भेटान्स ४५ माथि, पुरुष भेटान्स ५५ माथि गरि कुल ११ इभेन्टमा संचालन हुने छ । प्रतियोगिताको पुरुष/महिला सिगल तर्फ उपाधि विजेताले नगद ६० हजार रुपैया, कप, मेडल, प्रमाणपत्र तथा उपविजेताले नगद ३० हजार रुपैया, कप, मेडल, प्रमाणपत्र, तथा तृतिय दुई जना खेलाडीलाई जनही २० हजार रुपैया रुपैया, कप, मेडल, प्रमाणपत्रबाट पुरस्कृत गरिने छ । सिगलतर्फ नै पुरुष ३५ वर्षमाथिको विजेता, उपविजेता तथा तृतिय स्थान हासिल गर्ने खेलाडीहरुलाई क्रमश नगद ४० हजार, २० हजार र १० हजार रुपैया, ४५ वर्षमाथिका विजेता, उपविजेता तथा तृतिय स्थान हासिल गर्ने खेलाडीलाई क्रमश ३५ हजार, २० हजार र १० हजार रुपैया कप, मेडल, प्रमाणपत्रबाट तथा ५५ वर्षमाथि उमेर समुहको विजेता, उपविजेता र तृतियलाई क्रमश २५ हजार, १५ हजार र ५ हजार रुपैया, कप, मेडल, प्रमाणपत्र यसैगरि ६५ वर्षमाथि उमेर समुहको विजेता, उपविजेता तथा तृतिय खेलाडीलाई क्रमश १५ हजार, ७ हजार ५ सय तथा ५ हजार रुपैया, कप, मेडल, प्रमाणपत्रबाट पुरस्कृत गरिने छ ।

यसैगरि डबल्सतर्फ पुरुष डबल्स/महिला डबल्सको उपाधि विजेताले नगद २० हजार, उपविजेताले नगद १० हजार रुपैया, कप, मेडल, प्रमाणपत्रबाट पुरस्कृत गरिने छ । यसैगरि भेटान्स डबल्सतर्फ ३५/४५/५५ वर्ष उमेर माथिका विजेता, उपविजेतालाई क्रमश नगद १५ हजार र १० हजार रुपैयासहित कप, मेडल, प्रमाणपत्रबाट पुरस्कृत गरिनेछ । ११ विधामा खेलाइने प्रतियोगिताको पुरस्कारमा ५ लाख ६२ हजार ५ सय रुपैयासहित कुल १९ लाख १२ हजार ५ सय रुपैया खर्च हुने अनुमान छ ।

संघका सचिव तथा प्रचारप्रसार संयोजक सबर मियाले प्रतियोगिताको तयारी पुरा भएर खेलाडीहरु भित्रने क्रम जारी रहेको बताए । यसवर्ष बुटवल उपमहानगरपालिकाबाट ८ लाख रुपैया सहयोग हुदा प्रतियोगिता आयोजना गर्न सहज भएको उनले बताए । पछिल्लो एक दशकमा रुपन्देहीमा समेत लन टेनिसको खेल र खेलाडी विकासमा संस्थागत रुपमा काम अघि बढेको उनले बताए । काठमाण्डौसहित पछिल्लोसमय पोखरा र बुटवलमा समेत लनटेनिस आर्कषणको खेलका रुपमा रहेको उनले बताए ।