खोज

सुनवल, ९ फागुन ।

पश्चिम नवलपरासीको सदरमुकाम परासीमा यही फागुन १६ देखि ३० गतेसम्म छैठौं नवलपरासी औद्योगिक व्यापार मेला हुने भएको छ । मेलाको तयारी तीव्र पारिएको आयोजक नवलपरासी उद्योग वाणिज्य संघले बुधवार पत्रकार सम्मेलनको आयोजना गरी जानकारी दिएको हो । रामग्राम ५ परासी स्थित बाईपासमा हुने व्यापार मेलामा कृषि, पर्यटन र उद्योग क्षेत्रको प्रवद्र्धन गर्दै यस क्षेत्रको व्यापार प्रवद्र्धन गर्ने मुख्य उद्देश्य रहेको अध्यक्ष ओमप्रकाश अग्रहरीले बताए ।

पुरातात्विक तथा ऐतिहासिक धार्मिक स्थल रामग्राम स्तुप, पण्डितपुर लगायत विभिन्न स्थलको स्थलहरुको थप प्रवद्र्धन गर्न पनि मेला सहयोगि हुने विश्वास लिइएको छ । मेलामा सूचना प्रविधिको प्रदर्शनी सहित यस क्षेत्रको विकास तथा व्यापार प्रवद्र्धनका सवालमा विभिन्न सेमिनार तथा अन्तत्र्रिmया कार्यक्रम पनि आयोजना गरिएको उपाध्यक्ष गिरिराज पाण्डेले जानकारी दिए ।

साथै बाल उद्यान सहित विभिन्न खानाका परिकार, जातिय पहिचान झल्कने कला संस्कृतिको प्रदर्शनी र स्थानीय तथा राष्ट्रिय कलारकारको प्रस्तुती रहने जनाईएको छ । मेलामा विभिन्न विधाका १ सय ५० स्टल रहने छन् । मेला यस क्षेत्रको आर्थिक विकासका लागि सहयोगी हुने विश्वास व्यक्त गर्दै उद्योग वाणिज्य महासंघका केन्द्रीय सदस्य केशव भण्डारीले अर्थतन्त्र ओरालो लागिरहेको विषम परिस्थितिमा निर्यात बढाउनुपर्नेमा जोड दिए ।

दुई लाख दर्शकले अवलोकन गर्ने अपेक्षा गरिएको व्यापार मेलामा करिब पाँच करोड बराबरको आर्थिक कारोबार हुने अनुमान छ । मेलामा एक सय रुपैयाँको टिकटको व्यवस्था गरिएको छ । विद्यार्थी तथा समूह बनाई आउनेको हकमा पचास रुपैयाँ र विद्यालय कार्डको आधारमा ७० रूपैयाँमा टिकट उपलब्ध गराईने छ । मेलालाई सबैको गौरवको विषय बनाउनुपर्ने र उद्योगी व्यापारी मात्रै नभई यस क्षेत्रका नागरिकले अपनत्व महसुस गर्नुपर्नेमा संघका सल्लाहकार श्याम कुमार बस्यालले जोड दिए ।