खोज

बुटवल, २७ माघ । नेपाल अन्तराष्ट्रिय तेक्वान्दो महासंघ, लुम्बिनी प्रदेश आईटीएफ तेक्वान्दो संघको आयोजना तथा रुपन्देही जिल्ला आईटिएफ तेक्वान्दो संघको सहआयोजनामा रुपन्देहीमा दुई दिने कालो पेटी परिक्षण तथा सम्मान कार्यक्रम सम्पन्न भएको छ । वार्षिक कालो पेटी प्रथम, दोस्रो र तेस्रो डान पेटी परिक्षा तथा सम्मान कार्यक्रम अनुसार शनिबार तिलोत्तमा नगरपालिका स्थित नबज्योति इगलिस बोर्डिङ स्कुलमा समापन गरिएको हो ।

समापन कार्यक्रममा प्रदेश खेलकुद जयप्रकाश भट्टराई, नबज्योति इगलिस बोर्डिङ स्कुलका प्रधानाध्यापक टोप बहादुर केसी, तेक्वान्दो महासंघ उपाध्यक्ष तथा अन्तराष्ट्रिय प्रशिक्षक निर बहादुर सारु मगर, केन्द्रिय सदस्य प्रेम कामु मगर, केन्द्रिय सदस्य राजन रसाइली, केन्द्रिय सदस्य विजय पुन मगर, लुम्बिनी प्रदेश तेक्वान्दो संघका अध्यक्ष रितमान कामु मगर, लुम्बिनी प्रदेश प्रमुख प्रशिक्षक बिन्दु प्रसाद चौधरी, प्रमुख रेफ्री चियरमेन कृष्ण थापा मगर, प्रदेश डाटा कोअर्डिनेटर प्रमुख श्याम गाहा मगरले खेलाडीहरुलाई प्रमाणपत्र तथा सम्मान गरेका थिए ।

कार्यक्रममा सदस्यसचिव भट्टराईले विद्यालयस्तरमा नै खेललाई प्राथमिकतामा राखेर अगाडी बढाउने गरि सरकार लागेको बताए । मार्शल आर्टमा लुम्बिनीको पहिचानलाई फेरि जगाउने गरि अघि बढ्न उनले खेलाडीहरुलाई आग्रह गरे ।

लुम्बिनी प्रदेशका १२ जिल्लाका प्रथम डान मा १४७ जना, दोस्रो डानमा २५ जना र तेस्रो डान मा १२ जना गरि जम्मा १८४ जना खेलाडीहरुले परिक्षामा सहभागी भएका थिए । यसैगरि गतबर्ष डिग्रीको परिक्षा दिएको खेलाडीहरुलाई समेत प्रमाणपत्र वितरण गरिएको लुम्बिनी प्रदेश तेक्वान्दो संघका अध्यक्ष रितमान कामु मगरले बताए । मार्शल आर्टमा खेलाडीहरुको मनोबल बढाउने गरि वार्षिक कार्ययोजना अनुसार कार्यक्रममा समेत जोड दिएको उनले बताए । आत्मरक्षासंगै खेलबाट नै अन्तराष्ट्रिय पहिचान बनाउन सकिने मार्शल आर्टका लुम्बिनी प्रदेशबाट धेरै सम्भावना बोकेको खेलाडीहरु रहेको उनले बताए ।