खोज

काठमाडौं ।

नेपालले एक खेल अगावै क्यानडासँगको तिन खेलको एक दिवसीय सिरिजको उपाधि आफ्नो पोल्टामा पारेको छ ।

शनिबार भएको दोस्रो खेलमा क्यानडालाई ४ विकेटले परािजत गर्दै एक दिवसीय सिरिजको उपाधि जितेको छ । पहिलो खेलमा नेपालले क्यानडालाई ७ रनले पराजित गरेको थियो ।

त्रिवि क्रिकेट मैदानमा क्यानडाले दिएको २८६ रनको लक्ष्य नेपालले २९ बल बाँकी छँदै ६ विकेट गुमाएर भेट्टायो ।

नेपालको जितका लागि कप्तान रोहित पौडेलले ८७, देव खनालले ७६, अनिलकुमार साहले ५०,भीम सार्कीले २३ र पवन सर्राफले १४ रनको योगदान गरे ।

क्यानडाविरुद्धको ३ एकदिवसीय सिरिजमा नेपालले दुई खेल जितिसकेको छ । अन्तिम एकदिवसीय सिरिज सोमबार हुनेछ ।

नेपालको जितमा कप्तान रोहित पौडेल नायक बने । उनले ब्याटिङ, बलिङ दुवैतर्फ शानदार प्रदर्शन गरे ।

यसअघि टियु क्रिकेट मैदानमा टस जितेर पहिला ब्याटिङ गरेको क्याडनाले निर्धारित ५० ओभरमा ९ विकेट गुमाउँदै २८५ रन बनाएको थियो । रन बनाएको हो । क्यानडाका आरोन जोनसनले सर्वाधिक ६५ रन बनाए ।

नभनीत धलिवाल ४६, पर्गत सिंह ३८, निकोलस किर्टोन २०, दिलप्रीत बाजवा १९, शाहिद अहमड्जाइ १३, हर्ष ठकेर ३ र कप्तान साद बिन जाफर १ रन बनाएर आउट भएका थिए । श्रेयस मोभा ४० रन बनाएर आउट हु्ँदा उदय भगवान २० रनमा अविजित रहे ।

बलिङमा नेपालका कप्तान रोहित पौडेल र कुशल मल्लले समान २–२ विकेट, आकाश चन्द, सूर्य तामाङ, सोमपाल कामीले र पवन सर्राफले १–१ विकेट लिन सफल भएका थिए ।