खोज

बुटवल, २५ माघ । शैक्षिक र खेलकुदमा उत्कृष्ट नजिता ल्याउन सफल अक्सफोर्ड मा.वि खेल महोत्सव शुरु भएको छ । कार्यक्रमको एक समारोहका बिच बुटवलमा विहिबार प्राध्यापक सुमन भुसालले उद्घाटन गर्दै विद्यार्थीहरुलाई वर्तमान समयसापेक्ष ब्यवसायिक बनाउने गरि शिक्षा प्रदान गर्दै आएको बताए । खेलाडीहरुको क्षमता पहिचान गरि प्लेटर्फम दिन प्रतियोगिता जरुरी रहेको भन्दै विद्यालयबाट वार्षिक क्यालेन्डर बनाएर नै गतिविधिलाई अघि बढाएको उनले बताए ।

क्रिकेटका कुशल भुर्तेल र देव खनाल, फुटबलमा सरोज दर्लामी र प्रितम कार्की जस्ता खेलाडीहरु आफ्नै उत्पादन भएको भन्दै उनले खेलाडीलाई ब्यवसायीक बनाउने गरि लाग्न सरकारको सहयोग जरुरी रहेको बताए ।

सिद्देश्वरी खेल मैदानमा भएको खेल सप्ताहको पहिलो दिन विभिन्न विद्यामा प्रतिस्पर्धा भएको छात्र सटपुटतर्फ सरिन धर्ती, रिजन राना, सौगात थापा,छात्रातर्फ किवी राना, आस्था रिजाल, रुस्मा अर्याल प्रथम द्वितीय र तृतीय भएका छन् । १०० मिटर दौड छात्रतर्फ सरोज न्यौपाने, विवस रसाली र युरन राना त्यस्तै ४०० मिटर दौडमा युरन राना, सरोज न्यौपाने,विवश रसाली प्रथम, द्वितीय र तृतीय भएका छन् ।

एकल प्रतिष्पर्धात्मक खेलमा प्रथम हुनेलाई १ महिनाको मासिक शुल्क छुटु गरिदिने समेत संस्थाका प्राचार्य दिनेश भुसालले बताए । खेलकुद महोत्सवलाई सफल पार्न विभिन्न विद्यामा संयोजकहरु तोकिएको उनले बताए । एथ्लेटिक्स, भलिबल, क्रिकेट, बास्केटबल, टेबलटेनिस लगायतका आठ विधामा खेलहरु खेलहरु चलिरहेको खेल व्यवस्थापक राजकुमार पाण्डेले बताए । पाच दिनसम्म चल्ने छ ।