खोज

बुटवल, २३ माघ ।  पाल्पा रामपुरमा भएको छैठौँ मेयरकप २०८० को रनिङ्ग शिल्ड उपाधी वडा नं. ४ ले चुमेको छ । मेयर कप अन्तर्गत भएका विविध प्रतियोगिताबाट कुल ९ अंक प्राप्त गर्दै वडा नं. ४ प्रतियोगिताको उपाधि जित्न सफल भएको हो । वडा नं. ४ ले फुटबलमा द्धितिय, व्याडमिन्टनमा प्रथम र द्धितिय, महिला भलिबल तर्फ द्धितिय स्थान हासिल गर्दै कुल ९ अंक जोडेको थियो । रामपुर नगरपालिकाको आयोजना र नगर खेलकुद विकास समितिको सञ्चालनमा गत शुक्रबारदेखि मेयर कप चलेको थियो । मेयर कप अन्तर्गत फुटबल, पुरुष तथा महिला भलिबल, क्रिकेट, व्याडमिन्टन र मावि स्तरीय वक्तृत्वकला प्रतियोगिता भएको थियो ।

फुटबल प्रतियोगिताको उपाधि वडा नं. ७ ले जितेको छ । रामपुर ७ किसानबारी खेल मैदानमा भएको फाईनल खेलमा वडा नं. ४ लाई २–० गोलले पराजित गर्दै वडा नं. ७ ले उपाधि हात पारेको हो । वडा नं. ७ ले पहिलो र दोस्रो हाफमा १÷१ गोल गर्दै वडा नं. ७ ले उपाधी जित्न सफल भएको हो । यससंगै वडा नं. ४ ले उपविजेतामा चित्त बुझाएको छ । वडा नं ९ ले वडा नं. १० लाई २–१ गोलले पराजित गर्दै तृतिय स्थान हासिल गरेको छ । फुटबल प्रतियोगितामा प्रथम हुने वडा नं. ७ ले शिल्ड कप, कप मेडल र प्रमाण पत्र सहित नगद ५५ हजार रूपैयाँ प्राप्त गरेको छ भने, द्धितिय र तृतिय हुने समुहले नगद ३५ हजार २१ हजार कप, मेडल र प्रमाण पत्र प्राप्त गरेको छ ।

यस्तै पुरुष भलिबल प्रतियोगिताको उपाधि वडा नं. १० ले जित्न सफल भएको छ । दुर्गा मन्दिर टोल विजयपुरमा सम्पन्न भएको फाईनल खेलमा ३–२ सेटले वडा नं. १ लाई पराजित गर्दै वडा नं. १० प्रथम भएको छ । फाईनलमा पराजित भएसँगै वडा नं. १ द्वितीय स्थानमा सीमित भएको छ । वडा नं. १ ले वडा नं. ३ लाई र वडा नं. १० ले वडा नं. २ लाई पराजित गर्दै फाइनलमा प्रवेश गरेको थियो । प्रतियोगिता अन्तर्गत वडा नं. २ र वडा नं.३ विच तृतीय स्थानका लागि प्रतिस्पर्धा भएको थियो । खेलमा वडा नं. २ लाई पराजित गर्दै वडा नं. ३ तृतिय भएको छ ।

प्रतियोगितामा प्रथम हुने वडा नं. १० ले भलिबल तर्फको शिल्ड, कप, मेडल र प्रमाण पत्र सहित ५१ हजार रूपैयाँ पुरस्कार प्राप्त गरेको छ भने द्वितीय र तृतीय हुने समुहले क्रमश ३१ हजार र २१ हजार रूपैयाँ सहित रनिङ सिल्ड , कप , मेडल र प्रमाण पत्र प्राप्त गरेको छ ।
यस्तै महिला भलिबल तर्फ प्रथम वडा नं. ६, द्वितीय वडा नं. ४ र तृतीय वडा नं. १ भएको छ ।