खोज

बुटवल, २१ माघ । पछिल्लोसमय रुपन्देही आयोजना हुने हरेकजसो प्रतियोगितामा उत्कृष्ट प्रदर्शन गर्दै आएको खस्यौली एफसीले पहिलो उपाधि हात पारेको छ । रुपन्देहीमा सम्पन्न प्रथम आहाना कप २०८० सेभेन ए साईड खुल्ला फुटबल प्रतियोगितामा २३ टिमलाई पछिपार्दै खस्यौली एफसीले आफनो नाममा पहिलो उपाधि नाम गरेको हो ।

स्वर्गिय सुसिल मगर र स्वं. संजय लामाको स्मृतिमा आहान एफसी र देविनगर युवा क्लबको आयोजनामा आईतबार भएको फाईनल खेलमा आयोजक आहान एफसीलाई ट्राईबेकरमा पराजित गर्दै खस्यौली एफसी च्याम्पियन बनेको हो । उपाधिसंगै खस्यौली नगद ५० हजार रुपैया, कप, मेडल, प्रमाणपत्रबाट पुरस्कृत भएको छ । आयोजक आहान भने २५ हजार रुपैया, कप, मेडल, प्रमाणपत्रमा चित्त बुझाएको छ ।

प्रतियोगितामा आहानका सुन्दर बगाले सर्वाधिक गोलकर्ता, रिम्बा सुनार बेष्ट प्लेयर तथा खस्यौलीका अमन थापा उत्कृष्ट गोलकिपरबाट पुरस्कार भए । सर्वाधिक गोलकर्ता, उत्कृष्ट खेलाडी र उत्कृष्ट गोलरक्षकलाई नगद ३÷३ हजार रुपैया, मेडल, प्रमाणपत्रबाट पुरस्कृत भएका छन ।
देविनगरस्थित खेलमैदानमा भएको निक्कै प्रतिस्प्रर्धात्मक फाईनल खेलको निर्धारित समयमा गोलरहित बराबरी भएपनि खेल ट्राईबेकरमा धकेलिएको थियो । ट्राईबेकरमा खस्यौलीका गोलकिपर अमन थापाले दुई प्रहारलाई रोक्दै खेलमा जित निकाले । आहानका प्रविण थापाले गोल गरे भने मनोज श्रेष्ठ, सुन्दर बगालेको प्रहारलाई खस्यौलीका गोलकिपर अमन थापाले रोकिदिएका थिए । खस्यौलीका निरजको प्रहारलाई आहानका गोलकिपर सुसान्त श्रेष्ठले रोकिदिएका थिए भने अन्कित थापा र अनिल क्षेत्रीले प्रहार गोलमा परिणत भयो ।

एक कार्यक्रममा बिच विजेता, उपविजेता टिम तथा उत्कृष्ट खेलाडीहरुलाई रुपन्देही जिल्ला फुटबल संघका अध्यक्ष लोक पुनले पुरस्कार वितरण गर्दै जिल्लामा हुने प्रतियोगिता खेलाडीहरुलाई प्लेटफर्मका रुपमा भएको बताए ।
माघ १२ गतेबाट शुरु भएको प्रतियोगितामा रुपन्देहीका २४ टिमले भाग लिएका थिए ।