खोज

बुटवल, १९ माघ । ९ औ मणिमुुकुन्द कप राष्ट्रिय पुरुष भलिबल प्रतियोगिता २०८० को तयारी अन्तिम चरणमा पुगेको छ। प्रदेश खेलकुद परिषद लुम्बिनीको प्रवर्द्धन र मुख्य प्रायोजन, नेपाल भलिबल संघको संयोजन, तिलोत्तमा नगरपालिका सहारा ईन्जिनियरिङ प्रालिको विशेष सहयोगमा मणिमुकुन्द भलिबल क्लबको आयोजनामा माघ २६ गतेबाट शुरु हुने प्रतियोगिताको टिम दर्ता, मैदान तयारी, प्याराफिट निर्माण लगायत सम्पुर्ण तयारी पूरा भएको शुक्रबार पत्रकार सम्मेलन गरि क्लबका अध्यक्ष लोकेन्द्र बहादुर भण्डारीले बताए । प्रतियोगितामा ३ हजार दर्शक अट्न सक्ने क्षमताको प्याराफिट तयार भएको उनले बताए । लिग कम नकआउटका आधारमा खेलाईने खेलमा २४ वटा म्याच हुने उनले बताए । प्रतियोगितामा भाग लिने २ सय जना खेलाडीलाई १ लाख रुपैया बराबरको ईन्सुरेन्स समेत गरिएको उनले बताए । प्रतियोगितामा कोशी, मधेश, बागमती, गण्डकी, लुम्बिनी, कर्णाली, सुदुर पश्चिम प्रदेश भलिबल संघसहित त्रिभुवन आर्मि क्लब, नेपाल पुलिस क्लब र एपिएफ क्लब गरि १० टिमले भाग लिने छन ।

कार्यक्रममा प्रदेश खेलकुद परिषद लुम्बिनीका सदस्य सचिव जयप्रकाश भट्टराईले एक दशक पछि राष्ट्रिय भलिबल प्रतियोगिता हुन लागेको भन्दै यसलाई सबै मिलेर सफल बनाउनुपर्ने बताए । क्लब, भलिबल संघ र परिषदको समन्वयमा स्वीकृति लिएको उनले बताए । राष्ट्रिय प्रतियोगिता भएकाले पनि यसलाई सम्पन्न गर्न न्युनतम ५० लाख रुपैया खर्च हुने उनले बताए । कुनै पनि विभागिय टिम सहभागी हुने आफ्नै मापदण्ड हुने हुदा पनि त्यसलाई पुरा गर्ने आयोजकको खर्च बढ्ने उनले बताए । प्रदेशमा खेल गतिविधिको ईन्डेक्सलाई केलाउदा पछिल्लोसमय धेरै गतिविधिहरु यहा भएको उनले दाबी गरे । ‘ रोकिएका एक दर्जन बढी राष्ट्रिय प्रतियोगिता सम्पन्न भएको छ ।’–उनले भने । भर्खरमात्र २५ वर्षपछि नेपालगंजमा राष्ट्रिय ब्याडमिन्टन प्रतियोगिता सम्पन्न भएको छ । अब महिला भलिबल राष्ट्रिय प्रतियोगिता हुने उनले बताए । राम्रो सन्देश जान जरुरी रहेको उनले बताए । सबै जना मिलेर प्रतियोगितालाई सफल बनाउने गरि लाग्न जरुरी रहेको उनले बताए । पुर्वाधार विकासमा स्थानिय सरकारको प्रमुख ध्यान जानुपर्ने भन्दै यसमा प्रदेश र संघको सहयोग निरन्तर रहने उनले बताए ।

कार्यक्रममा तिलोत्तमा नगरपालिकाका उपप्रमुख जगेश्वरी चौधरीले नगरकै गौरब बढाउने गरि आयोजना हुन लागेको प्रतियोगितालाई सहयोग गर्ने प्रतिवद्घता जनाईन । प्रतियोगिता अवधिभर नगरपालिकाबाट सुरक्षा, एम्बुलेन्स र स्वस्थ्यकर्मी ब्यवस्था गरिने उनले बताईन । प्रतियोगिता सम्पन्न गर्न खर्च बढेको हुदा पहिले तोकिएभन्दा सहयोग माग भए अनुसार सहयोग गर्ने प्रतिवद्घता जनाईन । वन क्षेत्रमा पर्ने मैदानमा पुर्वाधार निर्माणमा कठिनाई भएको उनले बताईन। जग्गाको विवादलाई समाधान गरेर आगामी दिनमा योजना बढाउने उनले बताईन।

कार्यक्रममा लुम्बिनी प्रदेश भलिबल संघका उपाध्यक्ष योग गुरुङ, जिल्ला भलिबल संघ रुपन्देहीका अध्यक्ष सुरेन्द्र शाक्य, क्लबका विशेष सल्लाहकार टुक बहादुर क्षेत्री, लुम्बिनी पौडी संघका अध्यक्ष टेक बहादुर थापा, वडा नं ३ का वडाअध्यक्ष दिल बहादुर भट्टराई, पुर्वअध्यक्ष मिलन राना, रेफ्रि कमिसन संयोजक बुद्धि बश्याल, नेको ईन्सोरेन्सका मोतिलाल पौडेलले सबै पक्षको सहयोगबाट नै प्रतियोगिता सफल हुने बताए ।
प्रतियोगितामा उपाधि विजेताले नगद २ लाख रुपैया, कप, मेडल, प्रमाणपत्र, द्घितिय पुरस्कार नगद १ लाख ५० हजार, कप, मेडल, प्रमाणपत्रबाट पुरस्कृत गरिने खेल संयोजक सुरेन्द्र गुरुङले बताए । यसैगरि तृतिय टिमले नगद १ लाख रुपैया तथा सान्त्वना टिमले नगद ५० हजार, कप, प्रमाणपत्रबाट पुरस्कृत गरिने छ । यसैगरि विधागत सर्वोत्कृष्ट खेलाडीलाई नगद १० हजार, कप, मेडल तथा उत्कृष्ट स्पाईकर, सेटर, सर्भर, ब्लकर, डिफेन्स, प्रशिक्षक, अनुशासित र उदयमान खेलाडीलाई जनही ५ हजार रुपैया, कप र प्रमाणपत्रबाट पुरस्कृत गरिने उनले बताए ।