खोज

बुटवल, १९ माघ । बुटवल उपमहानगरपालिका वडा नं १ नारायणस्थानस्थित सरस्वती निमाबिको नया भवन शिलान्यास गरिएको छ । शुक्रबार एक कार्यक्रमका बिच भवनको बुटवल उपमहानगरपालिका नगरप्रमुख खेलराज पाण्डेयले शिलन्यास गरेका छन । विधिपूर्वक जग, भुमि पुजापाठ गरि भवनको शिलान्यास गदैै उनले भुकम्पबाट क्षति भएको विद्यालयको कक्षा कोठाको अभाव पुरा गर्ने गरि नया भवन निमार्ण गर्न लागेको बताए । संघ सरकारको विशेष अनुदानमा नगरपालिकाले प्राथमिकतामा राखेर बजेट बिनियोजन गरिएको नगरप्रमुख पाण्डेयले बताए । यो वर्ष शिक्षालाई प्राथमिकतामा राखेर पुर्वाधार र गुणस्तर वृद्धिलाई जोड दिएको उनले बताए । यो वर्ष नगरपालिकाबाट नबिन औधोगिक माबि, सुर्योदय माबि र प्रगतिनगर माबिलाई बजेट बिनियोजन गर्ने योजना रहेको उनले बताए ।

कार्यक्रममा उनले पुरानो बटौलीलाई उजगार गर्ने गरि धेरै योजना अघि बढाएको बताए । निमचोक र संग्राहलयमा हाईमास लाईट जडान, तिनाउ नदि किनारलाई तटबन्धन गर्न विश्व बैकमा पत्राचार, जितगढी नजिक तिनाउ नदि किनारमा भगवती मन्दिरको आरती स्थलको निर्माण, बुटवल माबि देखि नुवाकोटसम्म विहानी वाकका लागि पुरानै लयमा लग्ने, यसैगरि विभिन्न स्थलमा गोलघरहरु निर्माण गर्ने लगायत पुरानो बटौलीलाई पर्यटनमार्फत उकास्ने लक्ष्य रहेको उनले बताए । तिनाउ पुलमा बन्ने सिग्नेचर वृज निर्माणको डिपिआर अनुसार काम अघि बढाउन संघ, प्रदेश सरकारसंग पहल गरि यसका लागि देबिनगर र मणिग्राम पुललाई बाईपासको रुपमा प्रयोग गरिने उनले बताए ।

कार्यक्रममा उपमहानगरपालिकाका ईन्जिनियर गौतम रौनियारले आगामी वर्षमा ४ तल्ला भवन निर्माणमा करीब ६ करोड रुपैयाको डिपिआर अनुसार पहिलो चरणको काम अघि बढेको बताए । संघिय सरकारको विशेष अनुदानमा परेको विद्यालयको भवन निर्माण परेर थप नगरपालिकाबाट २५ लाख रुपैया छुटयाएर निर्माण गर्न लागेको बताए । पहिलो तल्लामा अपाङमैत्रि छात्रछात्रा शौचालनसहितको भवन निर्माणलाई गुणस्तरीयतामा जोड दिने उनले बताए । पहिलो चरण १ तल्ला ४ कोठाको पहिलो तल्ला निर्माण गर्न ८० लाख रुपैयामा ठेक्का केटिएस बिल्डर्स प्रालिले जेठ ३०, २०८१ सम्म सकिने गरि लिएको छ ।

कार्यक्रममा विद्यालय ब्यवस्थापन समितिका अध्यक्ष सहनसिल प्रसाद लिगलले विद्यालयको पुर्वाधार विकासमा जोड दिएको बताए । विदालयमा हाल २८६ विद्यार्थी र १२ जना शिक्षक÷कर्मचारी रहेका छन । वडा नं १ का वडाअध्यक्ष नरेन्द्र बस्नेत, सदस्य अशोक राईले शुभकामना दिएका थिए । विद्यालयको हाल ३ कठ्ठा जग्गामा पुर्वाधार रहेको छ ।

भिडियो सामग्री