खोज

बुटवल, १८ माघ । बाँकेमा जारी नवौं डाँफे कप नक आउट फुटबल प्रतियोगितामा रेसिङ्ग साहरा क्लब कोहलपुर र न्यु डाँफे स्पोर्टस क्लब ‘बि’ विजयी हुदै दास्रो चरणमा प्रवेश गरेका छन । बाँकेको खजुरा डि गाउँ स्थित मिनि रंगशालामा विहिबार चौथो दिन सम्पन्न पहिलो खेलमा रेसिङ्ग साहरा क्लब कोहलपुरले एफसि गौघाटलाई ४–१ गोल तथा दोस्रो खेलमा न्यु डाँफे ‘बि’ र सगरमाथा युथ क्लब बैजनाथलाई ट्राईबेकरमा पराजित गरेको हो ।

पहिलो खेलमा रेसिङ्ग साहराको जितमा महेश विकले खेलको १३ औ, ३० औ मिनेटमा गोल गरे । यसैगरि महेश शाहीले ४० औ र कुष्ण पुरीले ४५ औं मिनेटमा चौथो गोल गरे । एफसी गौघाटका सरोज केसीले ३८ औ मिनेटमा सान्त्वना गोल गरे । खेलको रेसिङ्ग साहरा क्लब कोहलपुरका सुनिल थापा मगर म्यान अफ द म्याचबाट पुरस्कृत भए ।

विहिबार नै भएको दोस्रो खेलमा न्यु डाँफे स्पोर्टस क्लब ‘बि’ र सगरमाथा युथ क्लब बैजनाथको निर्धारित समयसम्म १÷१ गोल को बराबरी भएपनि खेल ट्राईबेकरमा धकेलिएको थियो । ट्राईबेकरमा न्यु डाँफे ४–२ गोल अन्तरले विजयी भयो । खेलको न्यु डाँफेका गोलकिपर दिपेन्द्र बोहरा म्यान अफ द म्याचबाट पुरस्कृत भए । म्यान अफ द म्याच घोषित खेलाडीलाई नेपालगन्जमा रहेको थोपा प्रयोगशालाको तर्फबाट नगद ११ सय र मेडलबाट पुरस्कृत गरिएको प्रचार संयोजक खगेन्द्र दाहालले बताए ।

प्रतियोगिताको प्रथम पुरस्कार राशि हाल अमेरिकामा रहेका खजुरा गाउँपालिका वडा नम्बर ४ डि गाउँ निवासी लिल बहादुर थापाले सौजन्य गरेका छन । प्रतियोगितामा विजेता टिमले नगद १ लाख ५५ हजार ५ सय ५५ रुपैया र उपविजेता टिमले ८५ हजार ५ सय ५५ रुपैयासहित, कप, मेडल तथा प्रमाणपत्रबाट पुरस्कृत गरिने खेल संयोजक तिलकबिर सुनारले बताए । प्रतियोगितामा १२ टिमले भाग लिएका छन ।
प्रतियोगितामा १४ टिमले भाग लिएका छन । शुक्रबार देखि क्वाटर फाइनलका खेल शुरु हुनेछ । शुक्रबार पहिलो खेल बाग्मति स्पोर्टस क्लब बि गाउँ र एफ सी ब्रोदर्श खजुरा विच हुनेछ । त्यस्तै दोस्रो खेल धम्बोझी क्लब नेपालगन्ज र न्यु दर्पण स्पोर्टस क्लब खजुरा ४ ई गाउँविच हुने न्यु डाँफे स्पोर्टस क्लवका बरिष्ठ उपाध्यक्ष मदनरत्न केसीले जानकारी दिए ।