© २०२३
७ मंसिर २०८१, शुक्रबार
७ मंसिर २०८१, शुक्रबार
बुटवल, १७ माघ । बाकेमा जारी नवौं डाँफे कप नक आउट फुटबल प्रतियोगितामा धम्बोजी क्लब नेपालगंज र न्यु दर्पन स्र्पोटस क्लब विजयी भएका छन । न्यु डाँफे स्पोर्टस् क्लवको आयोजनामा खजुराको मिनी रंगशालामा बुधबार भएको पहिलो खेलमा धम्बोजी क्लबले लुम्बिनी गण खजुरालाई ५–० गोल अन्तरले पराजित गरेको हो ।
धम्बोजीको जितमा निराजन शाहीले खेलको सातौ, एघारौ, ५८ औ मिनेटमा गोल गर्दै आफनो हयाट्रिक पुरा गरे । यसैगरि भक्त भण्डारी र अशोक केसीले एक–एक गोल गरेका थिए । खेलमा निराजन म्यान अफ दी म्याचबाट पुरस्कृत भए ।
न्यु दर्पन स्र्पोटस क्लबले जयकिशन स्र्पोटस क्लबलाई ४—० गोल अन्तरले पराजित गरेको हो । न्यु दर्पनको जितमा भुपेन्द्र शाहीले हयाट्रिक गरे । उनले खेलको तेस्रो, ३२ सौ र ५५ औ मिनेटमा गोल गरेका थिए । मनिषले खेलको ५७ औ मिनेटमा एक गोल थपे ।
खेलमा न्यु दर्पनका भुपेन्द्र शाही म्यान अफ द म्याच घोषित भए ।
प्रतियोगितामा विजेता टिमले नगद १ लाख ५५ हजार ५ सय ५५ र उपविजेता टिमले ८५ हजार ५ सय ५५ रुपैयासहित, कप, मेडल तथा प्रमाणपत्रबाट पुरस्कृत गरिने खेल संयोजक तिलकबिर सुनारले बताए । प्रतियोगितामा १२ टिमले भाग लिएका छन ।
© २०२३
सर्वाधिकार सुरक्षित
Design & Developed By:
