खोज

बर्दघाट, १६ माघ ।

नवजिवन युवा क्लवको आयोजनामा बर्दघाट नगरपालिका वडा नम्बर ४ बाढीपीडितमा सञ्चालित दोश्रो अध्यक्ष कप २०८० खुल्ला फूटवल प्रतियोगिताको उपाधि वडा नम्बर ४ ले चुमेको छ । बर्दघाट नगरपालिका भित्रका कुल १७ वटा टिमको सहभागिता रहेको प्रतियोगिताको उपाधि वडा नम्बर ४ ले जितेको हो ।

उपाधिका लागि वडा नम्बर १४ र वडा नम्बर ४ विच भएको प्रतिष्पर्धामा वडा नम्बर १४ लाई सुन्यका विरुद्ध १ गोल गर्दै वडा नम्बर ४ ले उपाधि चुमेको हो । निकै प्रतिष्प्रधात्मक खेलको पहिलो हाफमा कुनै पनि टोलीले गोल गर्न नसके पनि खेल भने निकै रोमान्चक रहेको थियो ।

दोश्रो हाफमा वडा नम्बर १४ माथि वडा नम्बर ४ निकै हावी भएपनि गोल गर्ने सुनौला मौकाहरु भने गुमाएको थियो । दोश्रो हाफको ३७ औँ मिनेटमा भने वडा नम्बर ४ का युजन पुनको पासमा भिम चौधरीले विपक्षीको गोलपोष्टको जाली चुमाउँदै निर्णायक गोल गरेका थिए ।

विजेता टोलीले ट्रफी सहित नगद ५५ हजार ५ सय ५५ र मेडल प्राप्त गर्न सफल रह्यो यस्तै उप विजेता टोलीले ३३ हजार ३ सय ३३ रुपैयाँ र दोश्रो ट्रफीमा चित्त बुझायो । प्रतियोगितामा उत्कृष्ट खेलाडी वडा नम्बर ४ का सुवास परियार, सर्वाधिक गोलकर्ता ४ कै विज्ञान गुरुड, उदियमान खेलाडी ४ कै निशान लामिछाने घोषित भए यस्तै उत्कृष्ट डिफेन्स वडा नम्बर १४ का देवराज चौधरी र उत्कृष्ट गोलरक्षक १४ का सन्तोष चौधरी भएका थिए । अनुशासित टीमको उपाधि आयोजक सि टिम नवजिवन युवाक्लवले पाएको थियो । विजेता टोलीलाई बर्दघाट नगरपालिकाका कार्यवाहक नगर प्रमुख एवं उप प्रमुख रुद्र प्रकाश उपाध्यायले पुरस्कार वितरण गरेका थिए । उपाध्यायले युवाहरुलाई अनुशासित राख्न, शारीरिक विकासको लागि खेलकुद अपरिहार्य रहने बताए । उनले नगरले विभिन्न खेलहरुमा क्षमतावान खेलाडीको पहिचान गर्र्र्दै उनीहरुको खेलजिवन उकास्न खेलक्षेत्रमा लगानी बढाउने समेत बताए । बर्दघाट नगरपालिकाबाट फूटवल, क्रिकेट लगायतका खेलहरुमा राष्ट्रिय खेलाडी समेत उत्पादन भएको बताउँदै नियमित सँचालन हुने प्रतियोगिता र खेलकुदमा गरिएको लगानीले थप प्रतिभाहरु जन्माउन सकिने उनको भनाइ थियो ।