खोज

बुटवल,१५ माघ ।  दीगो तथा सम्मानित रोजगारीका लागि सीप (इन्स्योर) परियोजना अन्तर्गत वेटर र वेट्रेसहरुका लागि बुटवलमा सीप स्तरोन्नति तालीम दिइएको छ ।

होटेल एशोसिएसन नेपाल (हान) को आयोजना र नेप्लिज होटेलियर्स एशोसिएसन (एनएचए) लुम्बिनीको सहकार्यमा डिसेम्बर १७ देखि जनवरी १० सम्म ९६ घण्टे तालिम भएको हो । तालिममा लुम्बिनी प्रदेशभित्रका ३० जना वेटर र वेट्रेस सहभागी भएका थिए ।

तालिमका सहभागीहरुलाई सोमबार एक कार्यक्रमबीच हानका महासचिव साजन शाक्य,एनएचएका उपाध्यक्ष दिलिप गौचन,सल्लाहकार महेन्द्रनारायण श्रेष्ठ लगायतले प्रमाणपत्र प्रदान गरे ।

सो अवसरमा बोल्दै हानका महासचिव शाक्यले पर्यटनको अभिन्न अंग रहेको होटेल व्यवसायमा काम गर्ने वेटर वेट्रेसहरु तालिमप्राप्त र दक्ष भएमात्र पर्यटकलाई राम्रो सत्कार र सेपा दिनसक्ने भएकाले यस्ता तालिमहरु नियमितरुपमा गर्नुपर्ने बताए ।

बुटवलको डार्सिज इन्टरनेसनल होेटलमा भएको समापन समारोहमा एनएचएका उपाध्यक्ष दिलिप गौचन,सल्लाहकार महेन्द्रनारायण श्रेष्ठ,उपाध्यक्ष दिलिप गौचन,महासचिव विकास पाण्डे, कोषाध्यक्ष पदम केसी,सहकोषाध्यक्ष प्रणदा दीक्षित,सदस्य टेकनाथ बस्याल लगायतले बोल्दै तालिमले वेटर वेट्रेसहरुको सीप सीप स्तरोन्नति भएको बताए । हालै मात्र स्थापना भएको एनएचएले होटेल तथा पर्यटन क्षेत्रको दीगो विकास र नीतिगत समस्या समाधानमा विभिन्न अभियान र कार्यक्रम चलाउंदै आएको अध्यक्ष प्रविणबहादुर पाठकले बताए ।