खोज

बुटवल, १३ माघ । ग्रामिण भेगमा खेल विकास र युवा खेलाडीलाई प्रोत्साहन गर्ने उदेश्यका साथ स्व.डिम वहादुर गुरुङको स्मृतिमा छैटौ संजिवनी नकआउट फुटबल प्रतियोगिता–२०८० हुने भएको छ । शहिदहरुको सम्झनामा प्रदेश खेलकुद परिषद लुम्बिनीको मुख्य प्रवद्र्धक, तिलोत्तमा नगरपालिका संरक्षक तथा सन्जिवनी युवा क्लवको आयोजनामा माघ १६ गते हुने भएको हो ।

शनिबार पत्रकार सम्मेलन गरि प्रतियोगिताको तयारी पूरा भएको क्लबका अध्यक्ष अर्जुन केसी (हापु) ले बताए । प्रतियोगितालाई स्व.गुरुङकी छोरा डम्बर बहादुर गुरुङ, छोरी श्रीमाया गुरुङ, छोराहरु रन बहादुर गुरुङ र चित्र बहादुर गुरुङबाट प्रथम र द्घितिय पुरस्कार प्रायोजन भएको उनले बताए । विजेता टिमले प्रथम १ लाख ११ हजार १ सय रुपैया, कप, मेडल, प्रमाणपत्र तथा उपविजेता टिम ५५ हजार ५ सय ५५ रुपैया, कप, मेडल, प्रमाणपत्रबाट पुरस्कृत गरिने उनले बताए । यसैगरि विधागत रुपमा उत्कृष्ट गोलकिपर, सर्वाधिक गोलकर्ता, सर्वोत्कृष्ट खेलाडीलाई समेत पुरस्कृत गरिने उनले बताए ।

यसैबिच प्रतियोगिताको प्रथम र दोस्रो पुरस्कार प्रायोजन गर्नुभएका श्रीमाया गुरुङले यस क्षेत्रमा बुबाको योगदान नया पुस्ताबाट पनि उदाहरण बनोस र स्मरणमा रहोस भन्ने भावनाका साथ सहयोग गरेको बताईन ।

कार्यक्रम रुपन्देही जिल्ला फुटबल संघका अध्यक्ष लोक पुनले जिल्लामा भएका खेल गतिविधिकै कारण उर्वरभुमिका रुपमा चिनिएको बताए । जिल्लाका हरेक कार्यक्रमहरुलाइ निरन्तर संघको सहयोग हुने प्रतिवद्घता जनाए । खेलमा खेलभावनाबाट शुरुवात गर्न जरुरी रहेको भन्दै उनले जिल्लामा १६ वटा क्लबहरु दर्ता भएका छन भने यसबाहेक धेरै क्लबहरु क्रियाशिल रहेका छन । उनिहरुलाई अपनत्व दिने गरि विभिन्न गतिविधिहरु संचालन गर्दै आएको उनले बताए । लिग संचालनको मुख्य उदेश्य रेलिगेन र प्रमोसनको भावना भएको उनले बताए । विश्वसंग जोडिने, सम्बन्ध बिस्तारको भावना खेलकुदबाट विकास हुने उनले बताए । खेलकुदलाई आर्थिक महत्वपूर्ण पाटो भएको भन्दै सहयोग गर्ने दाताको भुमिकालाई कदर गर्न जरुरी रहेको उनले बताए ।

तिलोत्तमा नगरपालिका वडा न १४ बाग्धुरा, देविनगर स्थित खेलमैदानमा हुने प्रतियोगितामा जिल्लाका विभिन्न पालिकाहरुबाट १२ टिमले भाग लिने खेल संयोजक खिम बहादुर थापाले बताए। जसमा साबिक विजेता डिएमसी तुल्सीपुर सहित आहान एफसी, अमुवा एफसी, फर्साटिकर एफसी, देवदह ब्यायज, नवयुवा खेलकुद तथा सास्कृतिक ठुठिपिपल, जनज्योति युवा क्लब, समपुर्ण युवा क्लब सुपौली, झरना एफसी, लिस्नु एफसी, संजिवनी युवा क्लब बाग्दुरा, न्यु सिर्जना एफसी करौजिया रहेका छन। ८ लाख रुपैया खर्च हुने अनुमान रहेको छ ।

कार्यक्रम स्वर्गीय डिम बहादुर गुरुङको जिवनीबारे प्रकाश पार्दै क्लबका संस्थापक अध्यक्ष गोबिन्द केसीले पर्वतमा जन्मेपनि कर्मथलो रुपन्देहीको टिकुलीगढलाई बनाएका गुरुङको यस क्षेत्रको विकासमा महत्वपूर्ण योगदान रहेको बताए । तत्कालिन समयमा यस क्षेत्रको अभिभावकको रुपमा रहेर प्रधानपंच, उपपंच, भैलभुजको अध्यक्ष, विद्यालय स्थापना, सामाजिक धेरै विकासमा योगदान दिएको उनले बताए ।