खोज

बुटवल, १२ माघ । होटल तथा रेष्टुरेन्ट ब्यवसायी संघ, रुपन्देहीको आयोजनामा बुटवलमा सम्पन्न पाचौ सडक खाना महोत्सव सम्पन्न गर्न आर्थिक, भौतिक रुपमा सहयोग गर्ने सहयोगदाता, उपसमिति, टोल विकास संस्थाहरुलाई सम्मान गरिएको छ । शुक्रबार संघको सभाहलमा भएको सम्मान तथा स्वागत कार्यक्रममा संस्थाहरुलाई सम्मानपत्रबाट सम्मान गरिएको हो ।

कार्यक्रममा संघका संस्थापक सचिव माधव प्रसाद नेपालले बुटवल पवित्र धार्मिक, सास्कृतिक भुमिका साथै पर्यटनको प्रशस्त सम्भावना बोकेको क्षेत्र भएको बताए । बटौली प्राकृतिक र सम्पदाले भरिपुर्ण स्थल भएको भन्दै यसलाई उजगार गर्दै अघि बढाएर पर्यटनबाट आर्थिक समृद्धि सम्भव रहेको उनले बताए । बटौली सबै सम्पदाको भरिपुर्ण क्षेत्र भएको हुदा पनि यहाँ पर्यटनको सम्भावना रहेको उनले बताए । आर्थिक राजधानीको रुपमा विकास हुँदै गरेको बुटवललाई थप बल दिने गरि रचनात्मक गतिविधिलाई जोड दिएर अघि बढाउन समेत सुझाव दिए । सडकमा दुईपाग्रे सवारीलाई मोडिफाई गर्ने युवाहरुबाट समाजलाई अराजकता जन्माउदा यसले अपराधिक गतिविधि बढाउन सक्ने भन्दै रोक्ने गरि सुरक्षा निकाय लाग्नुपर्ने बताए। तीन तहकै सरकारबाट बजेट छरिएर भन्दा पनि एकीकृत रुपमा लाग्नुपर्ने सुझाव दिए । नुवाकोटबाट बसन्तपुर जोड्ने गरि केबलकार चलाउन सके यसले यहाको पर्यटनमा ठूलो टेवा मिल्ने उनले बताए । पर्यटन प्रवर्द्धन विशाल उद्योग भएको हुदा पनि यसमा फल लाग्न लामोसमय लाग्ने उनले बताए । होटल महत्वपूर्ण र खतरापूर्ण पेशा भएको उनले बताए । कालिकापथको सडक महोत्सवलाई स्थाईत्व दिने गरि अघि लैजानुपर्ने उनले बताए । कमिकमजोरी हटाएर अघि बढ्नुपर्ने सुझाव दिए ।
कार्यक्रममा बुटवल उपमहानगर सावित्रादेवि अर्यालले ईलाका प्रहरी कार्यालय बुटवलका प्रहरी नायव उपरिक्षक विजयराज पण्डितलाई स्वागत तथा सम्मान गर्दै बुटवलमा सुरक्षा चुनौती मुख्य समस्या भएको बताईन ।

कार्यक्रममा होटल तथा रेष्टुरेन्ट ब्यवसायी संघ रुपन्देहीका अध्यक्ष लेखनाथ भण्डारीले देशको आर्थिक समस्यामा होटल ब्यवसायीमा समेत परेको बताए ।
कार्यक्रममा संघका वरिष्ठ उपाध्यक्ष माधव खनालले संघसंस्थाहरु बिच सम्बन्ध सुमधुर र बिस्तार गर्ने गरि स्वागत, सम्मान संस्कारका रुपमा विकास भएको बताए । युवा विदेश पलायनको वर्तमान अवस्थालाई रोक्न विकल्प आवश्यक रहेको उनले बताए । स्वरोजगारमा योगदान दिएको ठूलो लगानी रहेको पर्यटन उद्योग नै जोखिममा परेको उनले बताए । यसलाई बचाउने विषयमा सरकार, सरोकारवाला सबै एकठाउ उभिएर सोच्नुपर्ने अवस्था आएको उनले बताए ।

कार्यक्रममा बुटवल उपमहानगरपालिका वडा नं ९ का वडाअध्यक्ष प्रदिप कुमार श्रेष्ठले आफ्नो वडालाई पर्यटन विकासका रुपमा अघि बढाउनु सकारात्मक भएको बताए । स्थानिय वडा कार्यालयबाट समन्वयकारी भुमिका खेल्ने टोल विकास संस्थाबाट महत्वपुर्ण सहभागी रहेको उनले बताए । टोल विकासबाट भेषभुषा, कला, संस्कृति पस्किने गरि सधै उत्कृष्ट सहभागिता रहदै आएको उनले बताए । पर्यटन भुलाउने गरि योजनाहरु ल्याउने र संरचना अघि बढाउन जरुरी रहेको उनले बताए । रात्रिकालिन होटलमात्र नभई सबै पसलहरु खोल्ने गरि ब्यवस्था गर्न उनले आग्रह गरे ।

कार्यक्रममा ईलाका प्रहरी कार्यालय बुटवलका प्रहरी नायव उपरिक्षक विजयराज पण्डित, संस्थाका प्रमुख सल्लाहकार तथा होटल ब्यवसायी महासंघका केन्द्रीय उपाध्यक्ष मोदनाथ बेल्बासे, प्रमुख सल्लाहकार महेन्द्र श्रेष्ठ, प्रेस युनियन नेपाल, रुपन्देही शाखाका सभापति कबिन्द्र नेपाल, सल्लाहकार लिलाधर बस्याल, कानुनी सल्लाहकार सालिकराम बन्जाडे, संघका महासचिव अर्जुन थापाले समुदायको सहकार्य विकासका हरेक कार्य सफल हुने तर्क दिए ।