खोज

बुटवल, ११ माघ ।

पोखरामा हुन लागेको अल नेपाल खुल्ला स्नुकर प्रतियोगितामा भाग लिन रुपन्देही बाट ६ जना खेलाडी छनोट भएका छन् । जिल्लाभरीका खेलाडीहरुबिच भएको प्रतिष्पर्धामा ६ जना खेलाडी छनोट भएका हुन् ।

बिहीबार रुपन्देही पुल तथा स्नोकर सँघले उनीहरुलाई बिदाई गरेको हो । खेलाडी बिदाई कार्यक्रममा बोल्दै बुटवल नगर खेलकुद विकास समितिका सँयोजक बोनिन पियाले खेलाडीहरु खेलमा अनुशासित र लगनशील हुनु जरुरी रहेको बताए ।

हरेक खेलकुदको पहिचान भनेको खेलप्रतिको लगनशीलता र अनुशासन भएकाले यसैलाई अङ्गिकार गर्दै आफ्नो खेल जीवनलाई अगाडि लैजान आग्रह गरे । बुटवल उपमहानगरपालिकाले नगरभित्र हुने खेलकुदका हरेक गतिविधिमा हातेमालो गर्दै आएको भन्दै सँयोजक पियाले बुटवल उपमहानगरपालिकाले खेलाडीको मनोवल बढाउन आर्थिक, भौतिकसँगै बिभिन्न विधाका खेलकुद प्रतियोगिताहरु समेत गर्दै आएको बताए ।

पोखरामा हुने स्नुकर खेलमा रुपन्देहीबाट भाग लिन जाने खेलाडीहरुले उत्कृष्ट प्रदर्शन गरेर विजय हुने कुरामा आफु आशावादी रहेको उनको भनाई छ । रुपन्देही पुल तथा स्नुकर सँघका सल्लाहकार सन्जय रत्न बजाचार्यले स्नुकर खेल ब्यावसायिक रुपमा अगाडि आएको भन्दै रुपन्देहीबाट जाने खालाडीले खेलमा उत्कृष्ट प्रदर्शन गर्दै रुपन्देहीलाई खेल मार्फत चिनाउने बताए ।

नेपाल पत्रकार महासँघका उपाध्यक्ष बिश्वास ढकालले नेपालमा स्नुकर खेलको तीव्ररुपमा विकास भैरहेको बताए । स्नुकर खेल इन्डोर भएकाले यो खेलको बारेमा धेरै मानिसहरु जानकार नभएको अवस्थामा पछिल्लो समय बिभिन्न्न ठाउँमा हुने प्रतियोगिताले यसको प्रचार प्रसार सँगै खेलले ब्यावसायिकता समेत प्रदान गरेको बताए ।

रुपन्देही पुल तथा स्नुकर सँघका अध्यक्ष सुजन पुनले पोखरामा यही माघ १३ गतेबाट हुन लागेको अल नेपाल खुल्ला स्नुकर प्रतियोगितामा भाग लिन रुपन्देही जिल्लाबाट ६ जना खेलाडी छनोट भएको बताए ।

प्रतियोगितमा भागलिन शँकर खड्का, शिशिर गुरुङ, कुडल श्रेष्ठ, सन्जय कार्की, प्रसन्न श्रेष्ठ, साकिर अली अन्सारी रहेका छन् ।

प्रतियोगितामा दैशैभरीका स्नुकर खेलाडीहरु सहभागी हुने भन्दै अध्यक्ष पुनले प्रथम हुनेले १ लाख ५० हजार, कप, मेडल, प्रमाणप्रत्र पाउने बताए । दोस्रो हुनेले ७० हजार, कप, मेडल, प्रमाणपत्र पाउने छन् भने सेमिफाईनल पुग्नेले नगद २० हजार पाउने छन् खेलमा हाईस्कोररले २० हजार पाउने छन् भने खेल पोखरा महानगरपालिका डेमसाईडमा हुने छ ।