खोज

बुटवल, ५ माघ । राष्ट्रिय वाणिज्य बैक लिमिटेडको ५९ औ वार्षिकोत्सवको अवसरमा लुम्बिनी प्रादेशिक कार्यालयले शुक्रबार बुटवलमा रक्तदान गरेको छ । नेपालको बैकिङ क्षेत्रमा ईतिहास बोकेको वाणिज्य बैकको लुम्बिनी प्रादेशिक कार्यालयले शुक्रबार रक्तदान कार्यक्रम गरेको हो ।

एक समारोहका बिच कार्यालय प्रमुख गणेश पौडेलले पहिलो रक्तदाता कर्मचारीलाई ब्लड ब्याग हस्तान्तरण गरि कार्यक्रमको सुभारम्भ गरे । सामाजिक उत्तरदायित्व अन्तरगत वार्षिकोत्सवको पहिलो दिन रक्तदान गरिएको लुम्बिनी प्रादेशिक कार्यालयका प्रमुख गणेश पौडेलले बताए । सेवाग्राहीलाई सरल र सहज सेवासंगै आफनो वार्षिकोत्सवको अवसरमा समुदायप्रति योगदान दिने गरि कर्मचारीहरु रक्तदान गरेको उनले बताए । शुक्रबार नै कार्यालय परिसरमा दिउसो सरसफाई कार्यक्रम गरिएको छ । कर्मचारीहरुको स्वस्थ्य सचेतना ल्याउने गरि आखा शिविर साथै खेलकुद कार्यक्रम समेत गरिएने उनले बताए ।

नेपाल रेडक्रस सोसाइटी, रक्तसंचार केन्द्र बुटवलको प्राविधिक सहयोगमा आयोजित रक्तदान कार्यक्रम ४७ जना रक्तदाताले रक्तदान गरेको प्रादेशिक कार्यालयका म्यानेजर सरोज आचार्यले बताए । यसैगरि बैक स्थापना दिनको अवसरमा उत्कृष्ट निक्षेपकर्ता तथा लोन लिने सेवाग्राहीलाई सम्मान, शुभकामना आदानप्रदान कार्यक्रम गरिने उनले बताए । प्रदेश कार्यालय अन्तरगत १२ जिल्लामा ३८ शाखाहरुमार्फत बैकले सेवा दिदै आएको छ । प्रदेश कार्यालयमा १० जना सहित शाखा कार्यालयहरुमा ३ सय स्थाई कर्मचारी कार्यरत छन ।