खोज

बुटवल, १ माघ । रुपन्देहीमा सम्पन्न तेस्रो लुम्बिनी प्रदेश स्तरिय आशिष कप ब्याडमिन्टन प्रतियोगिता २०८० को उपाधि कपिलबस्तुका अभय महराले हात पारेका छन । आशिष स्टेशनरीको मुख्य प्रायोजन र लायन्स क्लब अफ बुटवल स्टारको सहकार्यमा शनिबार अबेर तिलोत्तमा नगरपालिकास्थित फिट एण्ड फाईन ब्याडमिन्टन कोर्टमा भएको मेन्स सिगलको फाईनलमा एमजी क्लबका अरबिन श्रीपालीलाई पराजित गर्दै उपाधि हात पारेका हुन । उपाधिसंगै अभयले नगद १५ हजार रुपैया, कप, मेडल, प्रमाणपत्रबाट पुरस्कृत भए । उपविजेता श्रीपाली भने नगद ८ हजार रुपैया तथा तृतिय भएका कालिकानगरका मिलन सुनार र पाल्पाका सुमित घिमिरे ५ हजार रुपैया, कप, मेडल, प्रमाणपत्रबाट पुरस्कृत भए ।

यसैगरि मेन्स डबल्सतर्फको उपाधि सेमलारका दिनेश रिमाल र प्रकाश सुनारको जोडीले हात पारेका छन । फाईनलमा स्मासका बिन्जन बस्नेत र किरण बिष्टको जोडीलाई पराजित गर्दै उपाधि हात पारेका हुन । उपाधिसंगै रिमाल र सुनारको जोडी नगद ३५ हजार रुपैया, कप, मेडल, प्रमाणपत्रबाट पुरस्कृत भए । उपविजेता टिम भने नगद २० हजार तथा तृतिय टिमहरु सैनामैनाका दर्शन बराल र सुमन पुनको जोडी एवं भैरहवाका अशोक क्षेत्री र अरुण मानन्धरको जोडी भने नगद १६ हजार रुपैया कप, मेडल, प्रमाणपत्रबाट पुरस्कृत भए ।

भेट्रान्स डबल्सतर्फ भने लाफा समुहका बिरेन्द्र बिष्ट र दिलिप गौचनको जोडीले उपाधि हात पारे । फाईनल खेलमा लायन्सका अर्जुन कार्की र रामु बनको जोडीलाई पराजित गर्दै बिष्ट र गौचनको जोडीले उपाधि हात पारे । उपाधिसंगै उनिहरुले नगद २० हजार रुपैया, कप, मेडल, प्रमाणपत्रबाट पुरस्कृत भए । कार्की र बनको जोडी नगद १५ हजार, कपमा चित्त बुझाए । कपिलबस्तुका रितेश थापा र सन्दिप श्रेष्ठ तथा फिट एण्ड फाईनका पुरन राना र डम्बर रानाको जोडी तृतिय हुदै नगद १० हजार, कप, मेडल, प्रमाणपत्रबाट पुरस्कृत भए ।

एक समारोहका बिच आशिष स्टेशनरीको संचालक लक्ष्मीप्रसाद श्रेष्ठ, मिना श्रेष्ठ, लायन्स डिष्ट्रिक एलसिआईएफ कोअर्डिनेटर सन्दिप कशौधन, लायन्स क्लब अफ बुटवल स्टार्सका अध्यक्ष रिन्कु लिगल, कार्यक्रम संयोजक राम बहादुर शाहीले विजेता, उपविजेता तथा उत्कृष्ट खेलाडीहरुलाई पुरस्कार बितरण गरे ।

युवा खेलाडीहरुलाई प्लेटफर्म दिने र खेलमार्फत भातृत्व विकास गर्ने उद्येश्यका साथ आयोजना हुदै गएको आशिष कप ब्याडमिन्टन प्रतियोगिताको तेस्रो संस्करण भब्य रुपमा सम्पन्न भएको आशिष स्र्पोटसका संचालक आयुषकृष्ण श्रेष्ठले बताए । प्रतियोगितालाई ब्यवस्थित गर्न केन्द्रबाट नै वरिष्ठ एम्पायर उदय अर्यालसहितको टिम ल्याएर खेलाईएको उनले बताए । प्रतियोगिताको बेस्ट, पाच जना राइजिङ, उत्कृष्ट भेट्रान्स, उत्कृष्ट युवा खेलाडीलाई पुरस्कृत गरिएको उनले बताए । दुई दिनसम्म चलेको प्रतियोगितामा मेन्स सिगलमा ३२, मेन्स डबल्समा ७६ र भेट्रान्समा ३१ टिम गरि कुल १ सय ३६ टिमले भाग लिएका थिए ।