खोज

कपिलवस्तु, २९ पुस ।

कपिलवस्तु जिल्लाको यशोधरा गाउँपालिकामा सम्पन्न दुई दिने निःशुल्क उपचार शिविरमा १ हजार २ सय ३७ जनाले उपचार सेवा लिएका छन् । यशोधरा गाउँपालिकाको स्वास्थ्य शाखाको आयोजना तथा युृनिर्भसल कलेज अफ मेडिकल साईन्सेज भैरहवाको प्राबिधिक सहयोगमा गाउँपालिकाको वडा नं.. ४ अमलोनहामा जेष्ठ नागरिक तथा पालिकाबासीका लागि उपचार शिविरको आयोजना गरिएको थियो । शिविरमा मेडिकल कलेजबाट सामान्य उपचार, नाक कान घाँटी, हाडजोर्नी र स्त्री रोग बिशेषज्ञ सहितको स्वास्थ्यकर्मी टोलीले सेवा दिएको थियो ।

शिविरमा आएका बिरामीलाई परीक्षण, प्रयोगशाला, इसिजी र औषधी निःशुल्क उपलब्ध गराइएको थियो । शिविरमा ३ सय ९५ जनाले सामान्य चेकजाँच तथा उपचार सेवा, ४ सय ६४ जनाले हाडजोर्नी तथा नशा रोगको सेवा, २ सय ४३ जनाले नाक, कान घाँटी सम्बन्धी उपचार सेवा र १ सय २५ जनाले स्त्री रोगको उपचार सेवा लिएको यशोधरा गाउँपालिकाका स्वास्थ्य शाखाका प्रमुख विरेन्द्र कुमार मिश्राले जानकारी दिए । गाउँपालिकाको जेष्ठ नागरिकलाई निःशुल्क सेवा दिने नीति अनुसार शिविर आयोजना गरी सेवा प्रदान गरिएको प्रमुख मिश्राले स्पष्ट पारे । सेवा लिएका बिरामी मध्ये ३५ जनालाई ईसिजी सेवा, ६३ जनालाई युएसजीको सेवा र १ सय २ जनालाई प्रयोगशाला परीक्षणको सेवा निःशुल्क दिईएको थियो ।