खोज

बुटवल, १९ पुस । प्रधानमन्त्री कप पुरुष एक दिने प्रदेश क्रिकेट प्रतियोगिता अन्तरगत समुह ‘बि’ मा दाङ जिल्ला विजयी भएको छ । विहिबार भएको खेलमा दाङले बर्दियामाथि २ बिकेटको जित निकालेको हो । लुम्बिनी प्रदेश क्रिकेट संघको आयोजनामा देउखुरी क्रिकेट स्टेडियममा विहिबार भएको खेलमा टस जितेर ब्याटिङ रोजेको बर्दियाले ४०.१ ओभरमा सबै बिकेट गुमाएर १ सय ४९ रनका लक्ष्य खडा गरेको थियो ।

बर्दियाका असिम गिरीले ५१ बलमा २३, हेमन्त आचार्यले ७५ बलमा ४९, सुमित श्रेष्ठले ४२ बलमा २४ रनको योगदान दिएका थिए ।
दाङका बिर बहादुर घर्तीले ७.१ ओभर बलिङ गर्दै १ मेडलसहित २२ रन खर्चेर ३ बिकेट तथा बिराट भण्डारीले ६ ओभर बलिङ गर्दै १ मेडलसहित २५ रन खर्चेर २ बिकेट लिए । मध्यम लक्ष्य पाएका दाङका ब्याट्सम्यानहरु ३९.३ ओभरमा ८ विकेट गुमाएर जित निकाले ।
दाङका अलराउण्डर बिराट सिह भण्डारी खेलमा नायक रहे । उनले खेलमा बलिङसंगै उत्कृष्ट ब्याटिङको प्रर्दशन गरे । शुरुवातमा क्रिजमा आएको उनले पाच चौकाको मद्यतले १ सय ३३ बलमा शानदार ७३ रनको नटआउट पारी खेले । मोहन खत्रीले १३ बलमा ११ रन बाहेक अन्य ब्याटसम्यानले दोहोरो अंक जोडन सकेनन । बर्दियाका निर्मल गुरुङ र सौगात खत्रीले समान २—२ बिकेट लिए ।

खेलमा दाङका बिराटसिह भण्डारी म्यान अफ दी म्याचबाट पुरस्कृत भए । शुक्रबार बाके र दाङका बिचमा खेल हुने प्रदेश सदस्य तथा संयोजक प्रथम पराजुलीले बताए ।