खोज

नवलपुर, ९ पुस ।

राष्ट्रिय गरिमा र सामाजिक रूपान्तरणका लागि खेलकुद भन्ने नाराका साथ जिल्ला स्तरीय सोह्रौं राष्ट्रपति रनिङशिल्ड खेलकुद प्रतियोगिता पूवी नवलपरासीको पिठौलीमा सुरू भएको छ ।

जिल्ला स्थित विभिन्न बिद्यालयका छात्रछात्राहरू सहभागी खेलकुद प्रतियोगिताको गण्डकी प्रदेश कृषि तथा भूमि व्यवस्था मन्त्री महेन्द्रध्वज जिसीले उद्घाटन गरेका थिए ।

पहिलो दिन मार्चपास सहित कवड्डी, भलिवल १ सय ४ सय १५ सय मिटर दौड तथा सटपट तथा लङजम्पका विभिन्न खेलहरू खेलाईएको थियो ।

प्रतियोगिताको छात्र १ सय मिटर दौडमा जमाबि त्रिभुवनटार प्रथम, जनता सिद्ध अमर माबि लुसलहरी द्वितीय र नवजागरण नमुना माबि चोरमारा तृतीय भएको छ ।

यसरी नै ४ सय मिटर छात्र तर्फ जनता त्रिभुवनटार, जनता टाँडी अरूणखोला र नवजागरण नमुना चोरमारा कमशः प्रथम द्वितीय र तृतीय भएको छ ।

छात्रातर्फ मणिसंगम माबि डाडाजोर प्रथम,देवचुली माबि देवचुली द्वितीय र धर्मात्मा माबि मचेडी तृतीय भएको हो ।

छात्र १५ सय मिटर दौडमा भिमसेन रामबास,नवजारण चोरमारा र जनता मावि विष्णुनगर प्रथम द्वितीय र तृतीय स्थान हासिल गरेको छ ।

१५ सय मिटर छात्रा दौडमा त्रिभुवन मावि बुलिङ प्रथम, नगरडाडा मावि बौदिकाली द्वितीय र मणि संगम मावि डाडाजोर तृतीय भयो ।

छात्र सटपटमा जीवनज्योति मावि कावासोती प्रथम, भिमसेन नमुना मावि द्वितीय र कृष्ण गण्डकी मावि ढोडेनी तृतीय भएको छ ।

सटपट छात्रामा पृथ्वी मावि पृथ्वी नगर, डेडगाउँ मावि डेडगाउँ र नवजागरण चोरमारा प्रथम द्वितीय र तृृतीय स्थान हात लागेको छ ।

छात्रहरूको लङ्गजम्पमा सरस्वती मावि गोछडा प्रथम, भानुदय मावि चुकाहा द्वितीय र जनता मावि इटौरा तृतीय तथा छात्रा तर्फ त्रिभुवन मावि बुलिङ्गटार,मणि संगम डाडाजोर भानुदय चुकाहा कमशः प्रथम द्वितीय र तृतीय भएको छ ।

यसैगरी मार्चपासमा लिटिल स्टेप एकेडमी अरूणखोला प्रथम,सरस्वती निकेतन आमावि गैडाकोट द्वितीय र नोवेल एकेडमी कावासोती तृतीय र भिमसेन आदर्श देवचुलीलाई सान्त्वना स्थान मिलेको छ ।

यसरी नै प्रतियोगितामा पहिलो दिन छात्रछात्राहरूको कवड्डी तथा भलिवलका स्पर्धा हरू पनि भएका थिए ।

स्थानीय शान्ति निकुञ्ज माविको व्यवस्थापन तथा जिल्ला खेलकुद बिकास समितिको आयोजनामा संचालित ३ दिने रनिङशिल प्रतियोगिता मंगलबार सम्म चल्नेछ ।