खोज

बुटवल, ८ पुस । न्यू होराईजन स्पोट्र्स क्लवको आयोजनामा रुपन्देही जिल्ला स्तरिय छात्र भलिवल प्रतियोगिता शुरु भएको छ । प्रतियोगिताको एक समारोहका बिच भलिवल संघ लुम्बिनी प्रदेशका उपाध्यक्ष योग गुरुङले उद्घाटन गर्दै खेलबाट भातृत्व र एकताको भावना बढ्ने बताए । कार्यक्रममा न्यू होराईजन संस्थाका प्राचार्य लोकनाथ उपाध्याय, भलिवल संघ रुपन्देहीका सुरेन्द्र शाक्य, सह प्रायोजक रोटरी इ क्लव अफ हाइब्रिड नेपालका अध्यक्ष अप्सरा नेपाल, अभिभावक संघ रुपन्देहीका अध्यक्ष लोकनाथ ज्ञवाली लगायत प्रतियोगिता सफलताको शुभकामना दिए ।

१० गतेसम्म चल्ने सो प्रतियोगितामा रुपन्देहीका १३ बिद्यालयको सहभागिता रहेको छ । सहभागी टीमका खेलाडीहरुको लागि दुर्घटना विमा समेत गरिएको कार्यक्रम संयोजक कपिल आचार्यले बताए । उद्घाटन खेल न्यु होराइजनले बुद्ध पब्लिक देवदहलाई २–० को सोझो सेटमा पराजित गरेको छ । आईतबार नै भएको खेलमा कालिका मानवज्ञानले सेन्ट जोसेफ भलबारीलाई २–० , होराइजन गौतमबुद्धले कान्तिलाई २–१, मणिमुकुन्दले एभरेष्टलाई २–० सोझो सेटमै पराजित गरेको संयोजक आचार्यले बताए । प्रतियोगीतामा प्रथम हुने टिमले ३५ हजार नगद, द्धितिय टिमले २५ हजार, तृतियले १५ हजार र सान्त्वना टिमले १० हजार रुपैयाँ पुरस्कार पाउने छन् ।