खोज

बुटवल, ३ पुस । कालिका मानव ज्ञान माध्यामिक विद्यालयको ६३ औ वार्षिकोत्सब तथा अभिभावक दिवसको अवसरमा तेस्रो जिल्ला स्तरिय कालिका रनिङसिल्ड प्रतियोगिता २०८० शुरु भएको छ ।
प्रतियोगिता अन्तरगत तेस्रो दिन एथलेटिक्सका ८०० मि छात्र /छात्रा, १०० मि छात्र /छात्रा, सटपुट छात्र /छात्रा, भलिबल छात्र/छात्रा, कबड्डी छात्र/छात्रा खेलहरु भएका छन । विद्यालयमा भएको ८०० मि छात्र तर्फ कालिका मानवज्ञान मा. वि.का सलामुद्दीन अन्सारी प्रथम भएका छन । यसैगरि पशुपति मा वि का ठाकुर पाण्डे द्वितीय तथा जनज्योति मा. वि.का सागर बिक तृतीय भएका छन ।

८०० मि छात्रा तर्फ भने कुवरवर्ति इ. बो.स्कुलकी रजनी थारु प्रथम भएकी छिन । यसैगरि कालिका मानवज्ञान मा विका प्रकृति घिमिरे द्वितीय तथा होराइजन जी बि एस.की कृष्टिना पराजुली तृतीय भएकी छिन ।

१०० मि छात्रतर्फ पशुपति मा वि का युवराज थारु प्रथम भएका छन । सिद्धार्थ इ बो स्कुलका अभय राना द्वितीय तथा जनज्योति मा. वि.का शुभम् बमरेल तृतीय भए । यसैगरि १०० मि छात्रा तर्फ भने कुवरवर्ति इ. बो.स्कुलकी रोजी थापा प्रथम भएकी छिन । खेलमा रामापुर माविकी पवित्रा बि क द्वितीय तथा कालिका मानवज्ञान माविकी लक्ष्मी भुसाल तृतीय भईन ।

मंगलबार नै भएको सटपुट छात्र तर्फ गार्गी इ. बो.स्कुलका शुभम् दंगोरिया प्रथम भएका छन । एभेरेस्ट माविका लक्ष्मण परियार द्वितीय तथा कालिका मानवज्ञान माविका सिजन नेपाली तृतीय भए । सटपुट छात्रा तर्फभने कालिका मानवज्ञान माबिकी दिपकला थारु प्रथम भईन । खेलमा एभेरेस्ट माविकी अनुष्का चौधरी द्वितीय तथा होराइजन जी बि एस.की कृपा मल्ल तृतीय भईन ।

प्रतियोगितामा भलिबल, कबड्डी, एथलेटिक्स, रिले, तेक्वान्दो (छात्र÷छात्रा) पाच विधामा ३२ स्वर्ण, ३२ रजत र ३२ कास्य गरि कुल ९६ वटा पदकको लागि प्रतिस्पर्धा हुने विद्यालयका प्रधानाध्यापक दिनेश थापाले बताए । प्रतियोगिताको विजेताले नगद ५० हजार रुपैया शिल्ड, प्रमाणपत्र, मेडल, प्रमाणपत्रबाट पुरस्कृत गरिने उनले बताए । यसैगरि द्घितिय टिमले ३० हजार, तृतिय टिमले नगद २० हजार रुपैया, शिल्ड, प्रमाणपत्र, मेडल, प्रमाणपत्रबाट पुरस्कृत गरिने छ । प्रतियोगितामा जिल्ला भरिका सामुदायिक र संस्थागत गरि २९ विद्यालयका ८ सय बढि विद्यार्थीहरुले खेलमा प्रतिस्पर्धा गर्ने खेल संयोजक हरिस वलीले बताए । गतवर्ष कुवरवर्ति विजेता रहेको थियो ।