खोज

लिट्मस केबल्सले सात महिना लामो राष्ट्रव्यापी प्रवद्र्धन योजना ल्याएको छ । कम्पनीले इलेक्ट्रिसियनलाई लक्षित गरी ‘लिट्मस केबल्सः इको वायरिङ स्मार्ट वाचदेखि दुबईसम्मको यात्रा’ नामक योजना ल्याएको हो ।

योजनाको मुख्य उद्देश्य इलेक्ट्रिसियनको परिश्रम र समर्पणका लागि पुरस्कृत गर्नु रहेको कम्पनीले जनाएको छ । यसअन्तर्गत इलेक्ट्रिसियनले ५० कोइल्सको खरिदमा स्मार्ट वाच, एक सय कोइल्सको खरिदमा ड्रिल मेसिन, तीन सय कोइल्सको खरिदमा एयर कुलर, पाँच सय कोइल्सको खरिदमा मुक्तिनाथको यात्रा अथवा मोबाइल र एक हजार कोइल्सको खरिदमा टिभीजस्ता उपहारहरू जित्ने अवसर पाउने जनाइएको छ ।

साथै, एक हजार पाँच सय कोइल्सको खरिदमा वासिङ मेसिन र दुई हजार पाँच सय कोइल्सको खरिदमा दुबई यात्राको अवसर पाउने कम्पनीले जनाएको छ । योजनामा सहभागी हुनका लागि, इलेक्ट्रिसियनले इकोवायर–जेडएच खरिद गरी कुपनहरू नजिकैको लिट्मस केबल्सको डिलरमा आवश्यक विभिन्न जानकारी गराउनुपर्ने जनाइएको छ । योजनाअन्तर्गत जम्मा भएको कुपनका आधारमा उपहार प्रदान गरिने कम्पनीको भनाइ छ ।

इकोवायर–जेडएच नेपालकै पहिलो जेरो हेलोजेन तार रहेको र यो सुरक्षा सुधार गर्नका लागि विशेष रूपमा पिभिसी पोलिमरद्वारा बनाइएको तार रहेको कम्पनीको भनाइ छ ।  यसै कारणले आगलागीको समयमा, यसले हानिकारक धुवाँ र हेलोजन–मुक्त ग्यास मात्र फाल्ने हुनाले सुरक्षित र वातावरणमैत्री रहेको कम्पनीले जनाएको छ ।

कम्पनीका अनुसार यो योजना यही पुस १ गतेदेखि २०८१ असार ३१ सम्म जारी रहने छ ।

लिट्मस केबल्सको बारेमाः

लिट्मस केबल्स, नेपालको अग्रणी केबल निर्माता, जसले आफ्नो ग्राहकहरुको विशेष आवश्यकताहरु पुरा गर्न विभिन्न थरीका तार र केबलहरु उत्पादन गर्दै आइरहेको छ । लिटमस केबल्सले घरमा प्रयोग मल्ट्रिस्ट्र्यान्ड तारहरु देखि बिभिन्न इण्ड्रष्ट्रिजमा प्रयोग हुने पावर केबलहरू, बिद्युतीय पोल देखि घरसम्म बिजुली ल्याउन प्रयोग हुने कन्सेन्ट्रिक केवल्स लगायत सम्पुर्ण तार, केवल्स तथा कन्डक्टरहरुको उत्पादन गर्दै आएको छ ।