खोज

पोखरा ।

गण्डकी प्रदेश सरकारले म्याग्दीको पर्यटकीयस्थल घोडेपानीलाई कास्कीसँग सडक सञ्जालले जोड्ने भएको छ । चित्रेदेखि घोडेपानी जोड्ने सडक स्तरोन्नती पनि गरिने गण्डकी प्रदेशको भौतिक पूर्वाधार विकास तथा यातायात व्यवस्था मन्त्रालयले जनायो ।

मुुख्यमन्त्री सुरेन्द्रराज पाण्डेले पदमार्गको महत्व बचाउँदै सडक पूूर्वाधार निर्माण गरिने बताए । ‘चित्रेदेखि घोडेपानी जोड्ने करिब पाँच किलोमिटर सडक स्तरोन्नतीका लागि चालुु आर्थिक वर्षमा नै तीन करोडको बजेट व्यवस्था गरेर बहुुबर्षीय ठेक्का लगाउँछौ’ उनले भने, ‘घोडेपानीदेखि कास्कीको उल्लेरीलाई सडक सञ्जालले जोड्न यसवर्ष तीस लाख बिनियोजन भएको छ । थप बजेटको व्यवस्था गरेर यसैवर्ष कास्की र म्याग्दीलाई सडकले जोड्छौ ।’

भौतिक पूर्वाधार विकास तथा यातायात व्यवस्थामन्त्री रेशमबहादुर जुुग्जालीले चालुु आर्थिक वर्षमा तीस लाख बिनियोजन भएको चित्रे घोडेपानी सडकका लागि चालु आर्थिक वर्षमा तीस लाख बजेट थप गर्ने र त्यसलाई बीस प्रतिशत मानेर तीन करोडको बहुुवर्षीय ठेक्का लगाउने तयारी प्रदेश सरकारले गरेको जानकारी दिए ।

गाउँपालिकाको केन्द्र पोखरेबगरदेखि चित्रे जोड्ने १८ किलोमिटर सडक स्तरोन्नतीको क्रममा रहेको र चित्रे घोडेपानी सडक स्तरोन्नतीका लागि गण्डकी प्रदेशसभा सदस्य हरिबहादुुर भण्डारीलगायत जनप्रतिनिधिले अनुरोध गरेका थिए ।

मुुख्यमन्त्री पाण्डेले कास्कीको तिखेढुुंगा हुुँदै उल्लेरी जोड्ने सडक स्तरोन्नती गर्ने पूूर्वाधार विकास कार्यालय कास्कीमार्फत पाँच करोड बजेट बराबरको बहुुबर्षीय ठेक्का लगाउने तयारी गरेको बताएका छन् । कास्कीको नयाँपुुल, तिखेढुुंगा, उल्लेरी हुुँदै म्याग्दीको घोडेपानी जोड्ने सडक पोखरा बेनी जोमसोम सडकको पर्वत पोखरेबगर खण्डको वैकल्पिक बनाउन सकिने उनको भनाई छ । मुुख्यमन्त्री पाण्डेले सडकका कारण विस्थापित भएका पदमार्गको विकल्पमा पहिचान हुुने पदमार्गको विकासमा प्रदेश सरकारले सघाउने प्रतिवद्धता जनाए ।