© २०२३
२८ भाद्र २०८१, शुक्रबार
२८ भाद्र २०८१, शुक्रबार
बुटवल, २१ मंसिर । बुटवल कालिका क्याम्पसको १० औ वार्षिकोत्सब तथा अभिभावक दिवसको अवसरमा आयोजित सप्ताहब्यापी खेल सप्ताह २०८० पाचौ दिन बिहिबार अधिकाश खेलहरुको टुगो लागेका छन । छात्रा भलिबल प्रतियोगिताको उपाधि बिबिएस प्रथम वर्ष बिहानी समुहले चुमेको छ । बिहिबार भएको फाईनल खेलमा बिएड तेस्रो वर्षलाई २—० को सेटमा पराजित गर्दै बिबिएस प्रथम वर्षले उपाधि हात पारेको हो ।
यसैगरि छात्र कबड्डी प्रतियोगिताको उपाधि बिबिएस दोस्रो वर्षको टिमले चुमेको छ । बिहिबार भएको फाईनल खेलमा बिबिएस दोस्रो वर्षको टिमलाई तेस्रो वर्षको टिमलाई ६३—३४ अंकले पराजित गर्दै उपाधि हात पारेको हो ।
यसैगरि क्रिकेट प्रतियोगितामा बिसिए दोस्रो सेमिस्टारको टिमले उपाधि चुमेको छ । बिहिबार भएको फाईनल खेलमा बिबिएस प्रथम वर्षको टिमलाई २३ रनले पराजित गर्दै उपाधि चुमेको हो । खेलमा बिबिएस तेस्रो वर्षको टिम तेस्रो स्थान हासिल गरेका छन ।
यसैगरि हाजिरीजवाफ प्रतियोगितामा दिपिका पाण्डे, सबिता पौड्याल र लाईसा भुसालको टिम प्रथम भएका छन । प्रतियोगितामा प्रकाश भुसाल, सम्राट गैरे, बासना पोखरेलको टिम दोस्रो तथा इमरान शाह, संजिता कुवर र समिर कार्कीको टिम तेस्रो भएका छन ।
सप्ताहब्यापी कार्यक्रम अन्तरगत डोरी तानको फाईनल खेलका साथै रक्तदान कार्यक्रम, निशुल्क आँखा जाँच शिविर, निशुल्क दन्त परिक्षण शनिबार हुने अतिरिक्त क्रियाकलाप संयोजक रेश्मीराज शर्माले बताए । यसैगरि विभिन्न विद्यामा विजेता खेलाडी, उत्कृष्ट खेलाडीहरुलाई पुरस्कृत गरिने उनले बताए ।
मंसिर १७ गतेबाट शुरु भएको कार्यक्रमको आईतबार औपचारिक कार्यक्रम हुने बिबिएस संयोजक बुद्धि चौधरीले बताए । क्याम्पसमा बिबिएस, बिसिए र बिएडमा ३ हजार विद्यार्थीहरु अध्ययरत छन ।
अन्तर कलेज प्रस्तुत प्रतिस्पर्धाको विजेता तिलोत्तमा क्याम्पस
यसैगरि यो वर्ष पहिलोपटक आयोजना गरिएको अन्तर कलेज प्रस्तुत प्रतिस्पर्धाको विजेता तिलोत्तमा क्याम्पस भएको छ । रुपन्देहीका ९ वटा क्याम्पसहरुको बिचमा भएको प्रतिस्प्रर्धामा सिद्धार्थ ईन्टनेश्नल कलेज दोस्रो, लुम्बिनी वाणिज्य क्याम्पस तेस्रो भएका छन । प्रतियोगितामा भोज एप्पका नेहा अग्रवाल, भोज एपका एमडी दिनेश खड्का, रुपन्देही उद्योग संघकी सचिव मन्जु भुषाल निर्णायक रहेका थिए ।
© २०२३
सर्वाधिकार सुरक्षित
Design & Developed By:
