खोज

बुटवल, १९ मंसिर । बुटवल कालिका क्याम्पसको १० औ वार्षिकोत्सब तथा अभिभावक दिवसको अवसरमा आयोजित सप्ताहब्यापी खेल सप्ताह २०८० अन्तरगत विभिन्न खेलहरु सम्पन्न भएका छन । प्रतियोगिता अन्तरगत एथ्लेटिक्स छात्र १०० मिटर दौडमा बिबिएस पहिलो वर्षका भिम सिह गाहा प्रथम भए । बिसिए सातौ सेमिस्टारका मन्जिल साहनी क्षेत्री दोस्रो तथा बिबिएस दोस्रो वर्षका तुल बहादुर झेडी तेस्रो भए । छात्रातर्फ बिएड दोस्रो वर्षकी सुनिता चौधरी प्रथम, बिबिएस पहिलो वर्षकी निशा खातुन दोस्रो तथा बिबिएस दोस्रो वर्षकी सिल्पा पाण्डे तेस्रो भईन ।

यसैगरि छात्र ४०० मिटर दौडमा बिबिएस दोस्रो वर्षका तुल बहादुर झेडी प्रथम भए । बिबिएस प्रथम वर्षका भिम सिह गाहा दोस्रो तथा बिसिए सातौ सेमिस्टारका मन्जिल साहनी क्षेत्री तेस्रो भए । छात्रातर्फ बिबिएस पहिलो वर्षकी निशा खातुन प्रथम भईन । बिएड दोस्रो वर्षकी सुनिता चौधरी दोस्रो तथा बिएड तेस्रो वर्षकी अस्मिता जिएम तेस्रो भईन ।

ईन्ट्रा चेस प्रतियोगितामा अन्तरगत छात्रमा बिसिए सातौ सेमिस्टारका रबि पाण्डेय २ अंकसहित प्रथम भएका छन । बिसिए आठौ सेमिस्टारका सुरज चौधरी १.५ अंकसहित दोस्रो भए । छात्रामा बिबिएस तेस्रो वर्षकी उजेली थापा २ अंकसहित प्रथम भएकी छिन । यसैगरि बिबिएस तेस्रो वर्षकी सुनईना गहतराज १.५ अंकसहित दोस्रो भइन ।

यसैगरि टेबलटेनिस छात्रमा सुलभ तिवारी प्रथम भए । यसैगरि विश्वास पौडेल दोस्रो तथा अनमोल उमर मगर तेस्रो भए । छात्रातर्फ भने करिना आचार्य प्रथम, अंशु राना दोस्रो तथा अस्मिता पाण्डे तेस्रो भईन ।

यसैगरि छात्रा भलिबलमा बिएड तेस्रो वर्षको टिमले बिबिएस चौथो वर्षलाई २—१ को सेट, बिबिएस दोस्रो वर्षको टिमले बिबिएस पहिलो वर्षलाई २—० तथा बिबिएस तेस्रो वर्षको टिमले बिबिएस पहिलो वर्ष दिवा टिमलाई २—० को सेटमा पराजित गर्दै अघिल्लो चरणमा प्रवेश गरेका छन ।
यसैगरि छात्र कबड्डीमा बिबिएस दोस्रो वर्षले बिबिएस पहिलो वर्षको टिमलाई ५७—५१ अंकले पराजित गर्दै फाईनलमा प्रवेश गरेका छन । यसैगरि बिबिएस तेस्रो वर्षले बिसिए पहिलो सेमिस्टारको टिमलाई पराजित गर्दै फाईनलको यात्रा तय गरेका छन ।

दिवसकै अवसरमा आयोजित निबन्ध लेखनतर्फ अस्मिता थापा प्रथम भएकी छिन । बिबिएस तेस्रो वर्षकी बासना पोख्रेल दोस्रो तथा बिबिएस चौथो वर्षकी तिर्सना खराल तेस्रो भईन । बकतृत्वकला प्रतियोगितामा मिना न्यौपाने प्रथम, बिन्दु कुमारी पुरी दोस्रो तथा बिबेक अर्याल तेस्रो भए ।

खेल सप्ताह अन्तरगत कबड्डी, चेस, दौड (१००/४०० मिटर) छात्रछात्रा, क्रिकेट, भलिबल (छात्रा), टेबलटेनिस, डोरी तान्ने (छात्रछात्रा) लगायत खेलहरु जारी रहेको खेल संयोजक रेश्मीराज शर्माले बताए । यसैगरि हाजिरी जवाफ, अन्तर कलेज प्रस्तुत प्रतिस्पर्धा, रक्तदान कार्यक्रम, निशुल्क आँखा जाँच शिविर, निशुल्क दन्त परिक्षण समेत गरिने उनले बताए । कलेजमा बिबिएस, बिसिए र बिएडमा गरि ३ हजार विद्यार्थी अध्ययरत छन ।