खोज

पाल्पा १८ मंसिर ।

यही मंसिर २० गतेदेखि तानसेनको टँुडिखेलमा तानसेन नगरस्तरीय प्रथम मेयर कप रनिङ्ग शिल्ड प्रतियोगिता, २०८० को संचालन हुने भएको छ । नगर खेलकुद विकास समिति तानसेन पाल्पाका संयोजक एवं वडा नंं ४ का वडा अध्यक्ष हेमन्तराज शाक्यले मंसिर २० गतेबाट फुटबल, पुस ७ गतेदेखि क्रिकेट र पुस २७ गते देखि ब्याडमिन्टन प्रतियोगिता सञ्चालन गरिने बताए ।

फुटबल तर्फ जम्मा सहभागी १० टीमले प्रतियोगितमा भाग लिने छ भने क्रिकेट र व्याडमिन्टन तर्फ दर्ता हुने क्रम जारी रहेको संयोजक शाक्यले जानकारी दिए । प्रत्येक खेलमा तानसेन नगरपालिकाका १४ वटै वडा बाट सहभागिता रहने तानसेन नगरपालिकाले जनाएको छ । तीन वर्ष सम्म लगातार जित्ने टिमले रनिङ्ग शिल्ड सदाका लागि पाउने छ ।

फुटवल प्रतियोगितामा प्रथम पुरस्कार नगद एकलाख, द्वितीय पुरस्कार पचास हजार घोषणा गरेको छ । प्रत्येक दिन म्यान अफ द म्याचको लागि दुई हजार, उत्कृष्ट गोल किपरको लागि ३ हजार उत्कृष्ट रक्षक (डिफेण्डर) को लागि ३ हजार, उत्कृष्ट फरवार्डको लागि ३ हजार, उदयमान खेलाडीको लागि ३ हजार र उत्कृष्ठ खेलाडीको लागी ३ हजार पुरस्कारको व्यबस्था गरिएको संयोजक शाक्यले बताए ।