खोज

धनगढी, १७ मङ्सिर ।

लिटल फ्लावर प्रियिर लिग आठौँ संस्करण धनगढीमा सुरु भएको छ । प्रतियोगिताको अन्तर्गत आयोजक लिटल फ्लावर बोर्डिङहाईस्कुल र सुदूरपश्चिममा अञ्चल एकेडेमी (एसपिए) बिच भएको पहिलो खेलमा आयोजक लिटल फ्लावर बोर्डिङहाईस्कुलले जित हात पारेको छ ।

टस जितेर पहिले ब्याटिङ रोजेर आयोजक लिटल फ्लावर बोर्डिङ हाईस्कुलले सुदूरपश्चिममा अञ्चल एकेडेमी (एसपिए)लाई पाएको थियो ।

एसपिएले १६ ओभर खेल्दै ५१ रनमै अलआउट भएपछि आयोजक लिटल फ्लावरले ८४ रनको फराकिलो जित हासिल गरेको हो ।

लिटल फ्लावर बोर्डिङ हाईस्कुलका कप्तान कृष्ण कार्कीले ६५ रन आफ्नो खातामा जोडेका थिए । सोमवार दुई वटा खेल हुने जनाएको छ प्रतियोगितामा १६ टिमको सहभागिता छ ।

प्रतियोगिताको उद्घाटन समारोहमा नेपाल क्रिकेट सङ्घका केन्द्रीय अध्यक्ष चतुर बहादुर चन्दले लिटल फ्लावर प्रियिर लिगले नेपाली खेलाडीहरू उत्पादन गरिरहेको बताएका छन् ।

अर्जुन साउद, सन्दीप जोरा, नारायण जोशी, खड्क बोहरा, दीपक बोहरा(जुनियर) र दीपक बोहरा (सिनियर) लगायत खेलाडीहरूले एलपिएलबाट नै नेपाली क्रिकेट टोलीमा समावेश भएका हुन चन्दले भने,ञसुदूरपश्चिममा धेरै सम्भावना भएका खेलाडीहरू छन् तर उनीहरूले आफ्नो प्रतिभा देखाउन पाएका छैनन् ।