© २०२३
७ मंसिर २०८१, शुक्रबार
७ मंसिर २०८१, शुक्रबार
काठमाडौँ ।
पोखरामा जारी केपी ओली कप टी-२० क्रिकेट प्रतियोगितामा आज शुक्रबार दुई खेल हुँदै छन्।
पोखरा रगंशालाभित्र रहेको क्रिकेट मैदानमा हुने पहिलो खेलमा समूह एका बागमती प्रदेश र कर्णाली प्रदेश भिड्नेछन्। सो खेल बिहान ९ बजे सुरु हुनेछ।
आज हुने खेलमा बागमती लगातार दोस्रो जितको खोजीमा मैदान उत्रनेछ। कर्णाली भने पहिलो जितको खोजीमा हुनेछ।
बागमतीले पहिलले खेलमा आयोजकको रातो टोलीलाई १०९ रनको फराकिलो अन्तरले हराएको थियो।
आजै हुने दोस्रो खेलमा समूहबी को एपीएफ र गण्डकी प्रदेश खेल्दै छ।
सो खेल सोही मैदानमा दिउँसो १ बजे सुरु हुनेछ। एपीएफ र गण्डकी पहिलो जितको खोजीमा हुनेछन्।
मदन भण्डारी स्पोर्टस् एकेडेमीको आयोजनामा जारी प्रतियोगितामा तिन विभागसहित ७ प्रदेश र आयोजकको दुई टोली गरी १२ टोली सहभागी छन्।
सहभागी टोलीलाई चार समूहमा विभाजन गरिएको छ। हरेक समूहको शीर्ष स्थानमा रहेका टोलीले सेमिफाइनलमा स्थान बनाउनेछन्।
© २०२३
सर्वाधिकार सुरक्षित
Design & Developed By:
